________________
प्रमेयचन्द्रिका टीका श.८ उ.१ मू.२३ मूक्ष्मपृथ्वीकायस्वरूपनिरूपणम् २४१
मूलम्-चत्तारि भंते ! दवा किं पओगपरिणया मीसापरिणया, वीससापरिणया ? गोयमा ! पओगपरिणया वा, मीसापरिणया वा, वीससापरिणया वा, अहवा एगे पओगपरिणए, तिन्नि मीसापरिणया १,अहवा एगे पओगपरिणए, तिन्नि वीससापरिणया २, अहवा दो पओगपरिणया दो मीसापरिणया ३, अहवा दो पओगपरिणया, दो वीससापरिणया ४, अहवा तिन्नि पओगपरिणया एगे मीसापरिणए ५, अहवा तिन्नि पओगपरिणया, एगे वीससापरिणए ६, अहवा एगे मीसापरिणए. तिन्निवीससापरिणया ७, अहवा दो मीसा परिणया, दो वीससा परिणया ८, अहवा तिन्नि मीसापरिणया एगे वीससापरिणए ९, अहवा एगे पओगपरिणए, एगे मीसापरिणए, दो वीससापरिणया १, अहवा एगे पओगपरिणए, दो मीसापरिणया, एगे वीससापरिणए २, अहवा दो पओगपरिणया; एगेमीसापरिणए, एगे वीससा परिणए ३, जइ पओगपरिणया कि मणप्पओगपरिणया ? वइप्पओगपरिणया कायप्पओगपरिणया एवं एएणं कमेणं पंच छ सत्त जाव दससंखेज्जा, असंखेज्जा, अणंता य दवा भाणियबा, दुया संजोएणं, तिया संजोएणं, जाव-दससंजोएणं, बारससंजोएण, उवजुजिऊणं जत्थ जत्तिया संयोगा उडेति ते सव्वे भाणियवा, एए पुण जहा नवमसए पवेसणए भणिहामो तहा उवजुंजिऊण भाणियवा, जाव असंखेजा, अणंता एवं चेव, नवरं एकं पदं अब्भहियं, जाव अहवा अणंता परिमंडलसंठाण परिणया जाव अणंता आययसंठाणपरिणया ॥ सू० २३ ।।
श्री. भगवती सूत्र :
