________________
पमेयचन्द्रिका टीका श.८ उ.१ सू.२ पुद्गलभेदनिरूपणम् ११ एवं खहयरा वि । मणुस्सपंचिंदियपओग० पुच्छा ? गोयमा ! दुविहा पण्णत्ता, तं जहा-संमुच्छिममणुस्स०, गब्भवक्कंतियमणुस्स० । देवपंचिंदियपओग० पुच्छा ? गोयमा ! चउविहा पण्णत्ता, तं जहा-भवणवासिदेवपंचिंदियपओग० एवं जाव वेमाणिया। भवणवासिदेवपंचिंदिय० पुच्छा गोयमा ! दस विहा पण्णत्ता, तं जहा-असुरकुमारा जाव थणियकुमारा । एवं एएणं अभिलावेणं अट्टविहा वाणमंतरा पिसाया, जाव गंधव्वा । जोइसिया पंचविहा पण्णला, तं जहा-चंदविमाणजोइसिय० जाव ताराविमाणजोइसियदेव० । वेमाणिया दुविहा पण्णत्ता, तं जहा-कप्पोववन्नग० कप्पातीयग वेमाणियः । कप्पोववन्नगा दुवालसविहा पण्णत्ता; तं जहा-सोहम्मकप्पोववन्नग जाव अच्चुयकप्पाववन्नगवेमाणिया कप्पातीय० पुच्छा? गोयमा! दुविहा पण्णत्ता, तं जहा-गेवेजकप्पातीयवे० अणुत्तरोववाइयकप्पातीय वे०, गेवेजकप्पातीयगा नवविहा पण्णत्तो, तं जहाहेटिमहेट्रिम-गेवेजगकप्पातीयवे. जाव उत्ररिमउवरिम-गेवेजगकप्पातीय० । अणुत्तरोववाइयकप्पातीयगवेमाणियदेवपंचिंदियपओगपरिणयाणं भंते ! पोग्गला कइविहा पण्णत्ता? गोयमा ! पंचविहा पण्णत्ता, तं जहा-विजयअणुत्तरोववाइय० जाव परिण० जाव सबट्ठसिद्धअणुत्तरोववाइयदेवपंचिंदियपओगपरिणया दंडगो ॥ सू. २॥
श्री. भगवती सूत्र :
