________________
प्रमेयचन्द्रिका टीका श.६ उ.७ सू.३ उपमेयकाल-स्वरूपनिरूपणम् ५९ अट रहरेणुओ से एगे देवकुरु-उत्तरकुरु गाणं मणुस्साणं वालग्गे, एवं हरिवास-रम्मग-हेमवय-एरपण वयाणं पुव विदेहाणं मणुसाणं अटुवालग्गा सा एगा लिक्खा, अट्रलिक्खाओ सा एगा जूया, अठ्ठजयाओ से एगे जवमझे, अटजवमज्झाओ से एगे अंगुले, एएणं अंगुलपमाणेणं छ अंगुलाई पाए, वारस अंगुलाई विहत्थी चउवीसं अंगुलाई रयणी, अडयालीसं अंगुलाइं कुच्छी, छन्नउइ अंगुलाणि से एगे दंडे इवा, धणु इवा, जुए इवा, नालिया इवा, अक्खे इवा, मुसले इवा, एएणं धणुप्पमाणेणं दो धणु सहस्साई गाउयं, चत्तारि गाउयाइं जोयणं, एएणं जोयणप्पमाणेणं जे पल्ले जोयणं आयाम-विकखभेणं, जोयणं उड्ढं उच्चत्तेणं, तं तिओणं सविसेसं परिरयेणंसेणं एगाहिय-बेआहिय-तेआहिय० उक्कोसं सत्तरत्तप्परूढाणं संमढे, संनिचिए, भरिए वालग्ग कोडीणं, ते णं वालग्गे णो अग्गी दहेजा, णो वाऊ हरेजा, णो कुत्थेजा, णो परिविद्धंसेज्जा, णो पइत्ताए हवं आगच्छेज्जा, तओणं वाससए वाससए एगमेगं वालग्गं अवहाय जावइएणं कालेणं से पल्ले, नीरए, निम्मले, निट्टिए, निल्लेवे, अवहडे, विसुद्धे भवइ, सेत्तं पलिओवमे । गाहा-'एएसिं पल्लाणं, कोडाकोडीण हवेज्ज दसयुणिया ।
तं सागरोवमस्स उ, एकस्स भवे परिमाणं ॥१॥ एएणं सागरोवमपमाणेणं चत्तारि सागरोवम कोडाकोडीओ कालो सुसमसुसमा, तिणि सागरोवम कोडाकोडीओ
શ્રી ભગવતી સૂત્ર : ૫