________________
प्रमेयचन्द्रिका टीका श.७ उ. ९ सू. ५ वरुणनागनप्तृकवर्णनम् ७२५ सरहं जुत्तामेव उवटावेह, हय-गय-रह-जाव सन्नाहेत्ता मम एवं आणत्तियं पञ्चप्पिणह । तए णं ते कोडंबियपुरिसा जाव पडि सुणेत्ता, खिप्पामेव सच्छत्तं सज्झयं जाव उवटावेंति, हय-गयरह-जाव सन्नाति, सन्नाहित्ता जेणेव वरुणे नागनत्तुए जाव पञ्चप्पिणंति । तए णं से वरुणे नागनत्तुए जेणेव मज्जणघरे ते
व उवागच्छइ, जहा कणिओ जाव-पायच्छित्ते सव्वालंकारविभूसिए, सन्नद्धबद्धवम्मियकवए उप्पीलियसरासणपट्टिए पिगद्धगेविजए विमलवरवद्धचिंधपट्टे गहियाउहप्पहरणे सकोरंटमल्लदामेणं छत्तेणं धरिजमाणेणं चउचामरबालवीइयंगे मंगलजयसद्दकयालोए मजणघराओ पडिणिक्खमइ, परिणिक्खमित्ता अणेगगणनायग-जाव दूयसंधिवालसद्धिं संपरिबुडे, जेणेव बाहिरिया उवट्ठाणसाला, जेणेव चाउग्धंटे आसरहे तेणेव उवागच्छइ, उवागच्छित्ता चाउग्घंटे आसरहं दुरुहइ, दुरुहित्ता, हय-गय-रहजावसंपरिखुडे, महयाभड-चडगर-जाव परिक्खित्ते जेणेव रहमुसले संगामे तेणेव उवागच्छइ, उवागच्छित्ता रहमुसलं संगामं ओयाओ। तए णं से वरुणे णागणत्तुए रहमुसलं संगामं ओयाए समाणे अयमेयारूवं अभिग्गहं अभिगेण्हइ-कप्पइ मे रहमुसलं संगाम संगामेमाणस्स जे पुर्वि पहणइ से पडिहणित्तए, अवसेसे णो कप्पइत्ति, अयमेयारूवं अभिग्गहं अभिगेण्हइ, अभिगेण्हित्ता रहमुसलं संगाम संगामेइ, तएणं तस्स वरुणस्स नागनत्तुयस्स रहमुसलं संगामं संगामेमाणस्स एगे पुरिसे सरिसए
શ્રી ભગવતી સૂત્ર : ૫
