________________
५२९
प्रमेयचन्द्रिकाटीका श. ७ उ. ६ सू. २ कर्कशवेदनीयस्वरूपनिरूपणम् गोयमा ! पाणाइवायवेरमणेणं, जाव-परिग्गहवेरमणेणं, कोहविवेगेणं, जाव- मिच्छादंसण सल्लविवेगेणं, एवं खलु गोयमा ! जीवाणं अकक्कसवेयणिज्जा कम्मा कजंति । अस्थि णं भंते ! नेरइयाणं अकक्कसवेय णिज्जा कम्मा कज्जंति । गोयमा ! णो इणट्टे समट्ठे, एवं जाव-वेमाणिया, णवरं मणुस्साणं जहा जीवाणं । अत्थि णं भंते ! जीवाणं सायावेयणिज्जा कम्मा कज्जंति ? गोयमा ! हंता, अत्थि, कहं णं भंते ! जीवाणं सायावेय णिज्जा कम्मा कज्जंति ? गोयमा ! पाणाणुकंपयाए, भूयाणुकंपयाए, जीवाणु कंपयाए, सत्ताणुकंपयाए, बहूणं पाणाणं जाव सत्ताणं अदुक्खयाए, असोयणयाए, अजूरणयाए, अतिप्पणयाए, अपिहृणयाए, अपरियावणयाए, एवं खलु गोयमा ! जीवाणं सायावेयणिज्जा कम्मा कज्जंति । एवं नेरइयाणंवि, एवं जाव वेमाणियाणं । अस्थि णं भंते! जीवाणं असायावेयणिज्जा कम्मा कज्जति ? हंता, अत्थि । कहं णं भंते! जीवाणं असायावेयणिज्जा कम्मा कज्जति । गोयमा ! परदुक्खणयाए, परसोयणयाए, परजूरणयाए, परतिप्पणयाए, परपिणयाए, परपरियावणयाए, बहूणं पाणाणं, जाव सत्ताणं दुक्खणयाए, सोयणयाए, जाव परियावणयाए, एवं खलु गोयमा ! जीवाणं असाया वेयणिज्जा कम्मा कज्जंति, एवं नेरइयाण वि, एवं जाव वेमाणियाणं ॥ सू० २ ॥
"
શ્રી ભગવતી સૂત્ર : પ