________________
भगवतीस्त्रे पच्चक्खाणे य, देसमूलगुणपच्चक्खाणे य। सब मूलगुणपच्चक्खाणे णं भंते ! कइविहे पण्णत्ते ? गोयमा! पंचविहे पण्णत्ते, तं जहा सव्वाओ पाणाइवायाओ वेरमणं, जाव-सबाओ परिग्गहाओ वेरमणं, देसमूलगुणपच्चक्खाणे णं भंते ! कइविहे पण्णत्ते ? गोयमा ! पंचविहे पण्णत्ते, तं जहा-थूलाओ पाणाइवायाओ वेरमणं, जाव-थूलाओ परिग्गहाओ वेरमणं । उत्तरगुणपच्चक्खाणे णं भंते ! कइविहे पण्णत्ते ? गोयमा ! दुविहे पण्णत्ते, तं जहा-सव्वुत्तरगुणपच्चक्खाणे य, देसुत्तरगुणपच्चक्खाणे य। सव्वुत्तरगुणपच्चक्खाणे भंते ! कइविहे पण्णत्ते ? गोयमा ! दसविहे पण्णत्ते, तं जहा
अणागयमइकंतं, कोडीसहियं नियंटियं चेव । सागार मणागारं, परिमाणकडं निरवसेसं ॥१॥ साकेयं चेव अद्धा, पञ्चक्खाणं भवे दसहा ॥"
देसुत्तरगुणपच्चक्खाणे णं भंते! कइविहे पण्णते ! गोयमा! सत्तविहे पण्णत्ते, तं जहा-दिसिवयं १.. उवभोगपरिभोगपरिमाणं २,- अण्णत्थ दंडवेरमणं ३, सामाइयं ४, देसावगासियं ५, पोसहोववासो ६, अतिहिसंविभागो ७, अपच्छिममारणंतियसंलेहणाझसणा ऽऽराहणया ॥ सू० २ ॥ __ छाया-कतिविधं खलु भदन्त ! प्रत्याख्यानं प्रज्ञप्तम् ? गौतम ! द्विविधं प्रत्याख्यान प्रज्ञप्तम्, तद्यथा मूलगुणपत्याख्यानं च, उत्तरगुणपत्याख्यानं च ।
શ્રી ભગવતી સૂત્ર : ૫
