________________
८७८
भगवतीसूत्रे अपरित्तो न बंधइ । णाणावरणिज्जं णं भंते ! कम्मं कि आभिणिबोहियणाणी बंधइ, सुयणाणी, ओहिणाणी, मणपज्जवनाणी, केवलणाणी बंधइ ? गोयमा ! हेटिल्ला चत्तारि भयणाए, केवलणाणी न बंधइ, एवं वेयणिज्जवज्जाओ सत्त वि, वेयणिज्जं हेटिला चत्तारि बंधंति, केवलणाणी भयणाए । णाणा वरणिज्जं णं भंते ! कम्मं किं मइअन्नाणी बंधइ, सुयअन्नाणी बंधइ, विभंगअन्नाणी बंधइ ? गोयमा ! आउग वजाओ सत्त वि बंधंति, आउगं भयणाए। णाणवरणिज्जंणं भंते ! कम्मं किं मणजोगी बंधइ, वयजोगी बंधइ, कायजोगी बंधड, अजोगी बंधइ ? गोयमा ! हेछिल्ला तिन्नि भयणाए, अजोगी न बंधइ, एवं वेयणिज्जवज्जाओ सत्त वि। वेयणिज्जं हेडिल्ला तिणि बंधंति, अजोगी न बंधइ। णाणा वरणिज्जणं भंते ! कम्मं किं सागरोव उत्ते बंधइ, अणागारोवउत्ते बंधड ? गोयमा ! असुवि भयणाए । णाणावरणिज्जं णं भंते ! कम्म किं आहारए बंधइ, अणाहारए बंधइ ? गोयमा ! दो वि भयणाए, एवं वेयणिज्जाऽऽउगवज्जाणं छण्हं, वेयणिज्ज आहारए बंधइ, अणाहारए भयणाए, आउए आहारए भयणाए अणाहारए न बंधइ ? णाणा वरणिज्जं णं भंते ! कम्मं किं सुहुमे, बंधइ बायरे बंधइ णो सुहुम-णो बायरे बंधइ ? गोयमा! सुहुमे बंधइ, बायरे भयणाए, जोसुहुमणोबायरे न बंधइ, एवं आउगवज्जाओ सत्त वि, आउए सुहुमे, बायरे भयणाए,
श्री भगवती सूत्र:४
