________________
३६०
भगवतीसूत्रे
कर्मविशेषवक्तव्यताप्रस्ताव
मूलम्-"कहणं भंते ! जीवा अप्पा उयत्ताए कम्मं पकरेति ? गोयमा! तिहिं ठाणेहि, तं जहा-पाणे अइवाएत्ता, मुसं वइत्ता, तहारूवं समणं वा, माहणं वा, अफासुएणं, अणेसणिज्जेणं असण-पाण-खाइम-साइमेणं पडिलाभेत्ता, एवं खलु जीवा अप्पा उयत्ताए कम्मं पकरेंति । कहणं भंते! जीवा दीहाउयत्ताए कम्मं पकरेंति ? गोयमा ! तिहिं ठाणेहिं, तं जहा-णो पाणे अइवाइत्ता, णो मुसं वइत्ता, तहा रूवं समणं वा, माहणं वा, फासु-एसणिजेणं असणपाण-खाइम-साइमेणं पडिलाभेत्ता, एवं खलु जीवा दीहा उयत्ताए कम्मं पकरेंति । कहणं भंते ! जीवा असुभ दीहा उयत्ताए कम्मं पकरेंति ? गोयमा ! पाणे अइवाएत्ता, मुसं वइत्ता, तहारूवं समणं वा, माहणं वा हीलित्ता, निंदित्ता, खिंसित्ता, गरहित्ता, अवमण्णित्ता, अण्णयरेणं, अमणुण्णेणं, अपोइ-कारएणं, असण-पाण-खाइम-साइमेणं पडिलाभत्ता, एवं खलु जीवा असुभदीहाउयत्ताए कम्मं पकरेंति, कहणं भंते ! जीवा सुभदीहाउयत्ताए कम्मं पकरेंति ? गोयमा! नो पाणे अइवाइत्ता, नो मुसं वइत्ता, तहारूवं समणं वा, माहणं वा वंदित्ता, नमंसित्ता, जाव-पज्जुवासित्ता, अन्नयरेणं मणुन्नेणं, पीइकारएणं, असण-पाण--खाइम--साइमेणं पडिलाभेत्ता-एवं खलु जीवा सुभदोहाउयत्ताए कम्म पकति ॥ सू० १॥
श्री. भगवती सूत्र:४
