________________
अथ चतुथशतकः प्रारभ्यतेचतुर्थशतकस्य प्रथम-द्वितीय-तृतीय-चतुर्थ-पञ्चम-षष्ठ-सप्तमाष्टमसमुद्देशकेषु देवसम्बन्धिविमानराजधानीवक्तव्यताप्रस्तावः ॥
॥ मूलम् ॥ गाहा-चत्तारि विमाणे हिं चत्तारि य होति रायहाणीहि,
नेरईए लेस्साहिय दस उद्देसा चउत्थ सए । 'रायगिहे नयरे जाव-एवं वयासी-ईसाणस्स णं भंते ! देविंदस्स, देवरणो कई लोगपाला पण्णत्ता, ? गोयमा! चत्तारि लोगपाला पण्णत्ता, तं जहा-सोमे, जमे, वरुणे वेसमणे, एएसि णं भंते ! लोगपालाणं कइ विमाणा पण्णत्ता? गोयमा ! चत्तारि विमाणा पण्णत्ता, तं जहा सुमणे, सवओभद्दे, वग्गू, सुवग्गू, कहि ण भंते ! ईसाणस्स देविंदस्स, देवरण्णो सोमस्स महारणो सुमणे नामं महा विमाणे पण्णत्त गोयमा ! जंबूद्दीवे दीवे मंदरस्स पव्वयस्स उत्तरेणं इमीसे रयणप्पभाए पुढवीए जाव-ईसाणे णामं कप्पे पण्णत्ते, तत्थ णं जाव-पंच वडेंसया पण्णत्ता, तं जहा-अंक वडेंसए, फलिह वडेंसए, रयण वडेंसए, मझे ईसाणवडेंसए, तस्स णं ईसाणवडेंसयस्स महाविमाणस्स पुरथिमेणं तिरियमसंखेजाई, जोयणसहस्साइं, वीइवइत्ता, एत्थणं इसाणस्स देविंदस्स, देवरणो सोमस्स महारण्णो सुमणे नामं महाविमाणे पण्णत्ते, अद्धतेरसजोयणसयसहस्साइं, जहा-सकस्स वत्तव्वया तइ
શ્રી ભગવતી સૂત્ર : ૩
