________________
समवायाङ्गसूत्रे अपराजित सव्वसिद्धिया, सेतं अणुत्तरोववाइया, से तं पंचिंदियसंसारसमावण्णजीवरासी। दुविहा णेरइया पण्णता, तं जहापजत्ता य अपजत्ता य। एवं दंडओ भाणियव्वो जीव वेमाणियत्ति इमीसेणं रयणष्पभाए केवइयं खेत्तं ओगाहेत्ता केवइया णिरयवासो पण्णत्ता ? गोयमा ! इमीसे गं रयणप्पभाए पुढवीए असी उत्तर जोयणसयसहस्सबाहल्लाए उवरि एगं जोयणसहस्सं ओगाहेत्ता हेट्रा चेगं जोयणसहस्सं वजेत्ता मज्झे अटुसत्तरि जोयणसयसहस्से एत्थ णं रयणप्पभाए पुढवीए णेरइयाणं तीसं णिरयावाससयसहस्सा भवंतीति मक्खाया। ते णं णिरयवासा अंतो वट्टा बाहिं चउरंसा जाव असुभा णिरया असुभाओ णिरएसु वेयणाओ। एवं सत्त वि भाणियव्वाओ जं जासु जुज्जइ-आसीयं बत्तीसं अट्ठावीसं तहेव वीसं च । अट्रारस सोलसगं अछुत्तरमेव बाहलं ॥१॥ तीसा य पण्णवीसा पन्नरस दसेव सय सहस्साइं । तिण्णेगं पंचूणं पंचेव अणुत्तरा णरगा ॥२॥ चउसट्टी असुराणं चउरासीइं च होइ नागाणं । बावत्तरि सुवन्नाणं वाउकुमाराण छण्णउई॥३॥दीवदिसाउदहीणं विजकुमारिंदथणियमग्गीणं । छण्हपि जुवलयाणं बावत्तरिमो य सयसहस्सा॥४॥ वत्तीसावासा बारस अडचउरो य सयसहस्सा । पण्णा चत्तालीसा छच्च सहस्सा सहस्सारे ॥५॥ आणयपाणयकप्पे चत्तारि सयाऽऽरणचुएतिन्नि । सत्त विमाणसयाइं चउसु वि एएसु कष्पेसु ॥६॥ एकारसुत्तरं हेटिमेसु सत्तूत्तरं च मज्झिमए । सयमेगं उवरिमए पंचेव अणुत्तरविमाणा॥७॥ दोच्चाए णं पुढवीए तच्चाए णं पुढवीए चउत्थीए
શ્રી સમવાયાંગ સૂત્ર
