________________
३९०
समवायाङ्गसूत्रे
छत्तं७, आगासगयाओ सेयवरचामराओ८, आगासगयं फालिहामयं सपायपीढं सीहासणं९, आगासगओ कुडभीसहस्सपरिमंडियाभिरामो इंदज्झओ पुरओ गच्छइ१०, जत्थ जत्थ वियणं अरहंता भगवंतो चिट्ठति वा निसीयंति वा तत्थ तत्थ वियणं तक्खणा देव संछन्नपत्तपुष्फपल्लवसमाउलो सच्छत्तो सज्झओ सघंटो सपडागो असोगवरपायवो अभिसंजायइ११, ईसिं पिओ मउडठाणंमि तेयमंडलं अभिसंजायइ अंधकारे वियणं दसदिसाओ पभासेइ१२, बहुसमरमणिजे भूमिभागे१३, अहोसिराकंटया जायंति१४, उऊ विवरीया सुहफासा भवंति१५, सीयलेणं सुहफासेणं सुरभिणा मारुएणं जोयणपरिमंडलं सव्वओ समंता संपमजिज्जइ१६, जुत्तफुसिएणं मेहेण य निहय रयरेणुयं किज्जइ१७, जलयथलयमासुरपमूएणं विटहाइणा दसद्धवण्णेणं कुसुमेणं जाणुस्सेहप्पमाणमित्ते पुष्फोवयारेकिजइ१८, अमणुण्णाणं सदफरिसरसरूवगंधाणं अवकरिसो भवइ१९,मणुण्णाणं सदफरिसरसरूवगंधाणं पाउब्भासो भवइ२०, पञ्चाहरओ वि य णं हिययगमणीओ जोयणहारीसरो२१, भगवं च णं अद्धमागहीए भासाए धम्ममाइक्खइ२२, सा वि य णं अद्धमागही भासा भासिजमोणी तेसिं सव्वेसिं आरियमणारियाणं दुष्पयचउप्पयमियपसु. पक्खिसरीसिवाणं अप्पणो हियसिव सुहयभासत्ताए परिणमइ२३, पुव्वबद्धवेरा वि य णं देवासुरनागसुवण्णजक्खरक्खस किनर किंपुरिसगरुलगंधव्वमहोरगा अरहओ पायमूले पसंतचित्तमाणस्सा धम्मं निसामंति२४, अण्णउत्थिय पावयणिया वि य णं आगया
શ્રી સમવાયાંગ સૂત્ર
