________________
१०३४
समवायाङ्गसूत्रे संघयणे पण्णत्ते, तं जहा-वइरोसभनारायसंघयणे, रिसभनारायसंघयणे, नारायसंघयणे, अद्धनारायसंघयणे कीलियासंघयणे, छेवट्रसंघयणे । नेरइयाणं भंते ! किं संघयणी ? गोयमा ! छण्हं संघयणाणं असंघयणी व अट्रि णेव छिरा णेव पहारू जे पोग्गला अणिट्रा अकंता अप्पिया अणाएजा असुभा अमणुण्णा अमणामा अमणाभिरामा ते तेसिं असंघयणत्ताए परिणमंति। असुरकुमाराणं भंते ! कि संघयणी पण्णत्ता ? छण्हं संघयणाणं असंघयणी णेवट्रीणेव छिरा णेव पहारू जे पोग्गला इट्टा कंता पिया मणुण्णा मणामा माणाभिरामा ते तेसि असंघयणत्ताए परिणमंति। एवं जाव थणियकुमाराणं। पुढवीकाइया णं भंते ! कि संघयणी पण्णत्ता ? गोयमा ! छेवट्रसंघ. यणी पण्णत्ता, एवं जाव संमुच्छिम पंचिंदियतिरिक्ख जोणियत्ति । गब्भवतिया छव्विहसंघयणी, संमुच्छिममणुस्सा छेवटूसंघयणी। गब्भवतियमणुस्सा छव्विहसंघयणी पण्णत्ता । जहा असुरकुमारा तहा बाणमंतरजोइसियवेमाणिया य ।
कइविहे गं भते ! संठाणे पण्णत्ते ? गोयमा ! छविहे संठाणे पण्णत्ते, तं जहा-समचउरंसे१ णिग्गोहपरिमण्डले२ साइए३ वामणे४ खुजे५ हूंडे। णेरइयाणं भंते! किं संठाणी पण्णत्ता? गोयमा हंडसंठाणी पण्णत्ता? असुरकुमारा णं भंते? एवं जाव थणियकुमारा। पुढवी मसूरसंठाणा पण्णत्ता। आऊ थिबुयसंठाणा पण्णत्ता, तेऊ सूइकलावसंठाणा पण्णत्ता। वाऊ पडागा संठाणा पण्णत्ता, वणस्सई नाणासंठाणसंठिया पण्णत्ता, बेइंदिय-तेइंदिय-चउरिदिय संमु. च्छिमपंचिंदियतिरिक्ख इंडसंठाणा पण्णत्ता, गब्भवकंतिया छव्विह
શ્રી સમવાયાંગ સૂત્ર
