________________
५८४
स्थानागसूत्रे समणेणं भगवया महावीरेणं मोहणिजे कम्मे मूलाओ उग्घाइए १। जन्नं समणे भगवं महावीरे एगं महं सुकिल्लपक्खगं जाय पडिबुद्धे, तन्नं समणे भगवं महावीरे सुक्कज्झाणोवगए विहरइ ३॥ जन्नं समणे भगवं महावीरे एगं महं चित्तविचित्तपक्खगं जाव पडिबुद्धे, तन्नं समणे भगवं महावीरे ससमय. परसमइयं चित्तविचित्तं दुवालसंगं गणिपिडगं आघवेइ पण्णवेइ परुवेइ दंसेइ निदंसेइ उवदंसेइ, तं जहा-आयारं जाव दिहिवायं ३। जन्नं समणे भगवं महावीरे एगं महं दामदुगं सवरयणामयं जाव पडिबुद्धे, तन्नं समणे भगवं महावीरे दुविहं धम्मं पण्णवेइ ५, तं जहा-अगारधम्मं च अणगारधम्मं च ४। जन्नं समणे भगवं महावीरे एग महं सेयं गोवरगं सुमिणे जाव पडिबुद्धे, तन्नं समणस्स भगवओ महावीरस्स चाउवण्णाइण्णे संधे जाए, तं जहा-समणा समणीओ सावगा सावि. याओ ५। जन्नं समणे भगवं महावीरे एगं महं पउमसरं जाव पडिबुद्धे, तन्नं समणे भगवं महावीरे चउबिहे देवे पण्ण वेइ, तं जहा-भवणवासी, वाणमंतरा, जोइसवासी, वेमाणवासी ६। जन्नं समणे भगवं महावीरे एगं महं उम्मिवीइ-जाव पडिबुद्धे, तन्नं समजेणं भगवया महावीरेणं अणाइए अणयदग्गे दीहमद्धे चाउरंतसंसारसागरे तिणे ७। जन्नं समणे भगवं महावीरे एगं महं दिणयरं जाव पडिबुद्धे, तन्नं समणस्त भगवओ महावीरस्स अणुत्तरे जाव समुप्पण्णे ८। जन्नं समणे
શ્રી સ્થાનાંગ સૂત્ર : ૦૫
