________________
१३४
स्थानाङ्गसूत्रे
चत्तारि पुरिसजाया पण्णत्ता, तं जहा-दुग्गए णाममेगे दुग्गइगामी १, दुग्गए णाममेगे सुगइगामी० ४, (५) __चत्तारि पुरिसजाया पण्णत्ता, तं जहा-दुग्गए णाममगे दुग्गई गए १, दुग्गए णाममेगे सुगई गए २, (६)
चत्तारि पुरिसजाया पणत्ता, तं जहा--तमे णाममेगे तमे १, तमे णाममेगे जोई २, जोई णाममेगे तमे ३, जोई णाममेगे जोई ४। (७)
चत्तारि पुरिसजाया पण्णत्ता, तं जहा--तमे णाममेगे तमबले १, तमे णाममेगे जोइबले २, जोई णाममेगे तमबले ३, जोई णाममेगे जोइबले ४ (८)
चत्तारि पुरिसजाया पण्णत्ता, तं जहा--तमे णाममेगे तमबलपलज्जणे १, तमे णाममेगे जोइबलपलज्जणे० ४। (९)
चत्तारि पुरिसजाया पण्णत्ता, तं जहा--परिण्णायकम्मे णाममेगे णो परिण्णायसन्ने १, परिणायसन्ने नाममेगे नो परिण्णायकम्मे, २, एगे परिणायकम्मेऽवि परिण्णायसन्नेऽवि ३॥ एगे नो परिणायकम्मे नो परिण्णायसन्ने ४। (१०)
चत्तारि पुरिसजाया पण्णत्ता, तं जहा-परिण्णायकम्मे णाममेगे णो परिणायगिहावासे, परिण्णायगिहावासे णाममेगे णो परिण्णायकम्मे० ४। (११)
चत्तारि पुरिसजाया पण्णत्ता, तं जहा--परिन्नायसन्ने नाममेगे नो परिन्नायगिहावासे, परिन्नायगिहावासे णाममेगे नो परिन्नायसन्ने० ४॥ (१२)
श्री. स्थानांग सूत्र :03