________________
सुघाटीका स्था०४३०२ सू० ६१ जम्बूद्वीपगतभरतैरवतयोः कालनिरूपणम् ७३५
जंबुद्दीवे दीवे मंदरस्स पव्वयस्स पच्चत्थिमेणं सीओदाए महानईए दाहिणकूले चत्तारि वक्खारपव्वया पण्णत्ता,तं जहाअंकावई १, पम्हावई२, आसिविसे३, सुहावहे४।
जंबुद्दीवे दीवे मंदरस्स पव्वयस्स पच्चत्थिमेणं सीओदाए महाणईए उत्तरकूले चत्तारि वक्खारपव्वया पण्णत्ता, तं जहाचंदपवए१, सूरपव्वए२, देवपवए३, णागपव्वए ४ ।
जंबुद्दीवे दीवे मंदरस्स पव्वयस्त चउसु विदिसासु चत्तारि वक्खारपव्वया पण्णत्ता, तं जहा-सोमणसे १, विज्जुप्पभे२, गन्धमायणे ३, मालवंते ४।
जंबुद्दीवे दीवे महाविदेहे वासे जहन्नपए चत्तारि अरहंता चत्तारि चक्कवट्टी चत्तारि बलदेवा चत्तारि वासुदेवा उप्पञ्जिसु वा उप्पज्जंति वा, उप्पज्जिस्संति वा।
जंबुद्दीवे दीवे मंदरपब्वए चत्तारि वणा पण्णत्ता, तं जहाभदसालवणे१, नंदणवणे२, सोमणसवणे३, पंडगवणेष्ठ ।
जंबुद्दीवे दीवेमंदरे पवए पंडगवणे चत्तारि अभिसेगसिलाओ पण्णत्ताओ, तं जहा-पंडुकंबलसिला१, अइपंडुकंबलसिला २, रत्तकंबलसिला३, अइरत्तकंबलसिला ४।
मंदरचूलिया णं उवरिं चत्तारि जोयणाइं विक्खंभेणं पण्णता। एवं धायइसंडदीवपुरथिमद्धेवि कालं आदि करेत्ता जाव मंदरचूलियत्ति । एवं जाव पुक्खरवरदीवपच्चत्थिमद्धे जाव मंदरचूलियत्ति-जंबुद्दीवगआवस्सगं तु कालाओ चूलिया जाय । धायइसंडे पुक्खरवरे य पुवावरे पासे ।१॥सू० ६२॥
શ્રી સ્થાનાંગ સૂત્ર : ૦૨
