________________
समयार्थबोधिनी टोका द्वि. श्र, अ. २ कियास्थाननिरूपणम् आराहित्ता चरमहिं उस्साप्तनिस्साहिं अणंतं अणुत्तरं निव्वा. घायं निरावरणं कसिणं पडिपुण्णं केवलवरणाणदसणं समु. प्पाडेंति, समुप्पाडित्ता तओ पच्छा सिझंति बुज्झति मुच्चंति परिणिब्वायंति सव्वदुक्खागं अंतं करेंति । एगच्चाए पुण एगे भयतारो भवंति, अवरे पुण पुवकम्मावसेसेणं कालमासे कालं किच्चा अन्नयरेसु देवलोएसु देवत्ताए उववत्तारो भवंति, तं जहा-महड्डिएसु महज्जुइएसु महापरक्कमेसु महाजसेसु महाबलेसु महाणुभावेसु महासोक्खेसु ते णं तत्थ देवा भवंति महड्डिया महज्जुइया जाव महासोक्खा हाराविराइयवच्छा कडगतुडियर्थभियभुया अंगय कुंडलमट्टगंडयलकन्नपीढधारी, विचित्त हत्थाभरणा विचित्तमालामउलिमउडा कल्लाणगंधपवरवत्थपरिहिया कल्लाणगपवरमल्लाणुलेवणधरा भासुरबोंदी पलंबवणमालधरा दिव्वेणं रूवेणं दिव्वेणं वन्नेणं दिव्वेणं गंधेणं दिवेणं फासेणं दिव्वेणं संघाएणं दिव्वेणं संठाणेणं दिव्वाए इडिए दिव्वाए जुत्तीए दिव्वाए पभाए दिवाए छायाए दिवाए अचाए दिव्वेणं तेएणं दिव्वाए लेसाए दसदिसाओ उज्जोवेमाणा पभासेमाणा गइकल्लाणा ठिइकल्लाणा आगमेसिभद्दया यावि भवंति, एस ठाणे आयरिए जाव सव्वदुक्खपहीणमग्गे एगंतसम्मे सुसाहू । दोच्चस्स ठाणस्स धम्मपक्खस्स विभंगे एवमाहिए ॥सू० २३॥३८॥
શ્રી સૂત્ર કૃતાંગ સૂત્રઃ ૪