________________
२६६
गरुयं दंडं निवत्तेइ, तं जहा-इमं दंडेह इमं मुंडेह इमं तज्जेह इमं तालेह इमं अदयबंधणं करेह इमं नियलबंधणं करेह इमं हड्डिबंधणं करेह इमं चारगबंधणं करेह इमं नियलजुयलं संको. चियं मोडियं करेह इमं हत्थछिन्नयं करेह इमं पायच्छिन्नयं करेह इमं कन्नछिन्नयं करेह इमं नक्क ओढ़ सीसमुहछिन्नयं करेह इमं वेयगछहियं अंगछहियं पक्खाफोडियं करेह इमं णयणुप्पाडियं करेह इमं दंसणुप्पाडियं वसणुप्पाडियं जिन्भुप्पांडियं ओलंबियं करेह घसियं करेह घोलियं करेह सूलाइयं करेह सूलाभिन्नयं करेह खारवत्तियं करेह वज्झवत्तियं करेह सीहपुच्छियगं करेह वसभपुच्छियगं करेह दवग्गिदड्ढयंग कागणिमंसखावियंगं भत्तपाणनिरुद्धगं इमं जावजीवं वहबंधणं करेह इमं अन्नयरेणं असुमेणं कुमारेणं मारेह । जा विय से अभितरिया परिसा भवइ, तं जहा-मायाइ वा पियाइ वा भायाइ वा भगिणीइ वा भज्जाइ वा पुत्लाइ वा धूताइ का सुण्हाइ वा, तेसिं पि य णं अन्नयरंसि अहा लहुगंसि अवराहसि सयमेव गरुयं दंडं णिवतेइ, सीओदगवियडसि उच्छोलित्ता भवइ जहा मित्तदोसवत्तिए जाव अहिए परंसि लोगंसि, ते दुक्खंति सोयंति जुरंति तिप्पंति पितॄति परितप्पति ते दुक्खणसोयणजूरणतिप्पणपिट्टणपरितप्पणवहबंधणपरिकिलेसाओ अप्परिविरया भवंति। एव. मेव ते इस्थिकामेहिं मुच्छिया गिद्धा गढिया अज्झोवचन्ना जाव वासाई चउपचमाइं छद्दसमाई वा अप्पतरो वा भुजतरो
श्री सूत्रतांग सूत्र : ४