________________
साताशस्त्र छा, तं जहा-समणाण वा माहणाण वा छत्तगं वा दंडगं वा जाव चम्मच्छेदगं वा सयमेव अवहरइ जाव समणुजाणइ, इइ से महया जाव उवक्खाइत्ता भवइ । से एगइओ समणं वा माहणं वा दिस्सा नानाविहेहिं पावकम्महि अत्ताणं उवक्खाइत्ता भवइ, अदुवा णं अच्छराए आफालित्ता भवइ, अदुवा णं फरुसं वंदित्ता भवइ। कालेणापि से अणुपविठ्ठस्स असणं वा पाणं वा जाव णो दवावेत्ता भवइ । जे इमे भवंति वोनमंता भारकंता अलसगा वसलगा किवणगा समणगा पव्वयंति । ते इणमेव जीवितं धिज्जीवियं संपडिव्हेंति, नाइ ते परलोगस्स अटाए किंचि वि सिलीसंति, ते दुक्खंति ते सोयंति ते जूरंति ते तिप्पति ते पिट्टति ते परितप्पंति ते दुक्खणजूरण सोयणतिप्पणपिट्टणपरितप्पवहबंधणपरिकिलेसाओ अप्पडिविरया भवंति, ते महया आरंभेण ते महया समारंभेणं ते महया आरंभसमारंभेणं विख्ववरूवेहिं पावकम्मकिच्चेहिं उरालाई माणुस्सगाई भोगभोगाई भुंजित्तारो भवति, तं जहा-अन्नं अन्नकाले पाणं पाणकाले वत्थं वत्थकाले सयणं सयणकाले सपुत्वावरं च णं पहाए कयवलिकम्मे कयकोउयमंगलपायच्छित्तेसिरसा बहाए कंठे मालाकडे आविद्धमणिसुवन्ने कप्पियमालामउलीपडिबद्धसरीरे वग्घारिय सोणिसुत्तगमल्लदामकलावे अहतवत्थपरिहिए चंदणोक्खित्तगायसरीरे महइमहालियाए कूडागारसालाए महइ महालयसि सीहासणंसि इत्थिगुम्मसपरिवुडे सव्वराइएणं जो.
श्री सूत्रतांग सूत्र : ४