________________
९२८
आचारांगसूत्रे त्रयोदशम् अध्ययनं प्रारभ्यतेमूलम्-परकिरियं अज्झत्थियं संसे सियं नो तं सायए नो तं नियमे, सिया से परो पाए आमजिज्ज वा पमजिज्ज वा नो तं सायए नो तं नियमे, से सिया परो पायाइं संवाहिज्ज वा पलिमदिज वा नो तं सायए नो तं नियमे, से सिया परो पायाइं कुसिज्ज वा रइज्ज वा नो तं सायए नो तं नियमे, से सिया परो पायाइं तिल्लेण वा घयेण वा वसाए वा मक्खिज्ज वा अभिगिज वा नो तं सायए ना तं नियमे, से सिया परो पायाई लुद्धेण वा कक्केण वा चुन्नेण वा वष्णेण वा उल्लोढिज वा उठवलिज्ज वा नो तं सायए नो तं नियमे, से सिया परो पायाई सीओदगवियडेण वा उसिणोदगवियडेण वा उच्छोलिज्ज वा पहेलिज वा नो तं सायए नो तं नियमे, से सिया परो पायाइं अन्नयरेण विलेवणजाएण आलिंपिज्ज वा विलिंपिज्ज वा नो तं सायए नो तं नियमे, से सिया परो पायाइं अन्नयरेण धूवणजाएण धूविज्ज वा पधूविज वा नो तं सायए नो तं नियमे, से सिया परो पायाओ आणुयं वा कंटयं वा नीहरिज्ज वा विसोहिज्ज वा नो तं सायए नो तं नियमे, से सिया परो पायाओ पूयं वा सोणियं वा नोहरिज्ज वा विसोहिज्ज वा नो तं सायए नो तं नियमे, से सिया परो कायं आमज्जेज्ज वा पमज्जिज्ज वा, नो तं सायए नो तं नियमे, से सिया परो कायं लोटेण वा संवाहिज्ज वा पलिमदिज्ज वा नो तं सायए नो तं नियमे, से सिया परो कायं तिल्लेण वा घयेण वा वसाए वा मक्खिज्ज वा अन्भंगिज्ज वा नो तं सायए नो तं नियमे, से सिया परो कायं लुद्धेण वा कक्केण वा चुन्नेण वा वण्णेण वा उल्लोढिज्ज वा उबलिज्ज वा नो तं सायए नो तं नियमे, से सिया परो कायं सीओदगवियडेण वा उसिणिओदगवियडेण वा उच्छोलिज्ज वा पहोलिज्ज वा नो तं सायए नो तं नियमे, से सिया परो कार्य अन्नयरेण विलेवणजाएण आलिंपिज्ज वा विलिंपिज्ज वा नो तं सायए नो
श्री आयागसूत्र:४
