________________
गांठ समो संसार, जुगती सुं निभावजोजी ॥ लेयजो कुटम्ब सं यश, सबने निभायजोजी ॥ डोर लो शुभ स्थान थांभ बंधावजोजी ॥
॥ पेरावणी का गीत ॥ (तर्ज-मारे आंगण जेवंतडी रो रूखो मारा पिऊजी)
मारे आंगण जेवंतडी रो रूखो मारा पिऊजी, सज्जन रे जांगण ऐलचीजी ॥ राजकँवर रो माथों तो गुंथायो मारा पिऊजी, सोलह शंगार सजावियाजी ॥ राजकवर सारे कालजिया री कोरो मारा पिऊजी, दूध पाय मोटी करीजी ॥ हस्ति मायला मोटा हस्ति देवो मारा पिऊजी, राजकवर मत देवजोजी ॥ घुडला मांयला आछा घुडला देवो मारा पिऊजी, राजकँवर मत देवजोजी ॥ गोकुल मायली आछी गायां देवो मार पिऊजी, राजकवर मत देवजोजी ॥ गेणा मायला आछा गेणा देवो मारा पिऊजी, राजकँवर मत देवजोजी ॥ कपडा मायला आछा कपडा देवो मारा पिऊजी, राजकवर मत देवजोजी॥हारया-हारया राजा ने राणा मारी मरवण, इण विध अपन हारियाजी ॥ जीत्या-जीत्या सज्जन रो परिवारो मारी मरवण आ ए तो हारिया जी ॥
153
