________________
८ मांन माया लोभ मन मैं धर्यो दिल धऱ्या राग-द्वेष दोय।
इत्यादिक पाप अठार नौं रे, 'मिच्छामि दुक्कडं' मोय। भविक. ९ राग कियौ हुवै रागी थकी, द्वेषी सूं धर्यो हुवै द्वेष। ___मन साचै हिव माहरै रे, वर 'मिच्छामि दुक्कडं'विशेष।। भविक. १० पांचूं आश्व पाइआ' रे, लागौ जाण्यौ किण वार।
संभाळ-संभाळ स्वामजी रे, आलोया अतिचार। भविक. ११ पांच सुमति तीन गुपति मैं रे, पंच महाव्रत मझार। ___याद करे अतिचार नैं रे, आलोवै भीक्खू अणगार।। भविक. १२ सहु जीवा-जोनि संसार मैं रे, चउरासी लाख सुचिंत।
ज्यांरा भेद जूजूआ जांणजो रे, खमाउं धर खंत॥ भविक. १३ बड़ा शिष्य सुविनीत छ रे, अंतेवासी
अमोल। आगै लेहर आई हुवै रे, खमावै दिल खोल॥ भविक. १४ वले संत अनै सतियां मझै रे, केका नै करडा रै देख।
कठिण सीख कड़वौ कह्यौ रे, खमाउं सुविसेख। भविक. १५ श्रावक नैं वले श्राविका रे, केइ कठिण प्रकृति रा कहाय।
कठिण वचन कह्यौ हवै रे, खांत करी नै खमाय॥ भविक. १६ केइ गण बाहिर नींकळ्या रे, साध-साधवी रै सोय
करड़ौ काठी कह्यौ हुवै रे, ज्यां सूं खमत-खांमणा जोय।। भविक. १७ चंद्रभांणजी थळी मझै रे, तलोकचंदजी रै ताम।
कहिजो खमत-खांमणा माहरा रे, त्यां तूं पड़ीयौ बौहलौ काम।। भविक. १८ चरचा कीधी चूंप सूं रे , घणां जणां सूं बहु ठांम।
वच कठण कह्या जाण्या तसूं रे, खमावै ले नाम। भविक. १९ केइ धर्म तणां द्वेषी हुंता रे, 'छिद्रपेही अधवसाय'।
त्यां ऊपर खेद आई तिका रे, सगळां नैं देऊं खमाय॥ भविक. २० चिउं तीर्थ शुद्ध चलायवा रे, सीखामण दैतां रै सोय।
कठिन वचन जो कह्यौ हुवै रे, मुझ खमत-खांमणा जोय॥ भविक.
१.खराब। २.इच्छा ।
३. गौर। ४. छिद्रान्वेषी दृष्टिकोण वाले।
१९८
भिक्खु जश रसायण
