________________
PY
पाइयपडिबिंबो
किं जयो होइ धम्मस्स, अहम्मस्साहवा सहि। पण्हं सोऊण णं तस्स, साहेइ कुमरो तया ॥३४॥ विचित्तो तुह पण्हो य, संदेहो अत्थ णत्थि किं। .. धम्मस्स विजयो होइ, अस्सि सव्वे वि सम्मया ॥३५॥ सज्जणेण तया वुत्तं, णाई सच्चमिणं सही !। अहम्मस्स जयो होइ, धम्मस्स ण कयाइ य ॥३६॥ पच्चाएसं“य पच्चक्खं, विज्जए तुह सम्मुहे। जइ चएज्ज तुं धम्म, ण लहेज्ज इमं ठिइं ॥३७॥ . कुमारेण तया वुत्तो, हियम्मि पिउणो जइ । हवेज्ज धम्मवासो य, देज्ज आणमिमं कहं ॥३८॥ इत्थं परोप्परं वादं, काउं लग्गा य संपयं । णाई कस्स वि वत्तं य, को वि पडिसुणेइ य ।।३९।। कुमारेण तया वुत्तो, सज्जणो वयणं इणं । पुच्छिऊण णरं कं वि, कुणेज्जा अस्स णिण्णयं ॥४०॥ जंपियं तुमए सुटु, महं वि रोयए इमं । परमत्थि पणेगो य, बोल्लीणं सज्जणेण य ॥४१॥ असच्चं जपणं मज्झ, जइ होहिइ संपयं । आजीअं तुह दासत्तं, पडिसोच्छं असंसयं ॥४२॥ असच्चं भणणं तुज्झ, जइ होहिइ संपयं । सव्वे आभरणा तुज्झ, वाहो" य मे हविस्सइ ॥४३॥
(जुग्गं) अंगीकयं कुमारेण, कणं सज्जणस्स य । किंचि णमेइ धम्मिट्ठो, अहम्मस्स ण सम्मुहे ॥४४॥ सिद्धंत-रक्खणठें जो, रज्जं वि चइउं पहू ।
को मुल्लो पुण आसस्स, भूसणस्स य णे कए ॥४५।। १७. अहम्मस्स+अहवा=अहम्मस्साहवा। १८. दृष्टान्तम् (पच्चाएसं दिद्रुतं-पाइयलच्छी . ६५६)। १९. परस्परम् (प्रा. व्या. ८।११६२) । २०. अश्वः (आसो सत्ती वाहो....."पाइयलच्छी. ४५)।
