________________
पाइयपडिबिंबो
दटुं तं दढधम्मि य, वच्चंत विहगा तया । सक्कारं तस्स कुव्वंता, लवेंति महुरं गिरं ॥११॥ मोत्तुआण पुरी-मेरं, जहा रणम्मि सो गओ। सम्माणं तस्स काउं य, उग्गओ तरणी तया ॥१२॥ पोम्मा सरोवरे जाया, पुप्फाइं पायवेसु य। को दढधम्मिणं णाई, लोयम्मि बहुमण्णइ ।।१३।। सज्जणेण जया णायं, णिद्देसं भूवइस्स य । । तया वियारिउं लग्गो, कुमारो किं करिस्सइ ।।१४।। चइस्सइ पुरि सो हु', दाणं परं कयाइ णो। सहावो जारिसो जस्स, चाओ तस्स य दुक्करो॥१५॥ अओ पुरि चइत्ताणं, गच्छं तेण समं अहं। विज्जए सो वयंसो जो, कठे मित्तं जहाइ णो ॥१६॥ मोत्तूण निगम झत्ति, तम्मि मग्गम्मि आगओ। . . पुव्वं अरुणतावस्स", कुमारागमणस्स य ॥१७॥ अप्पाणं य निगूहित्ता, उज्जाणम्मि कहिं तया। ... कुमारं विरमालेइ, कवडहिययो हु सो ॥१८॥ आगओ तेण मग्गेण, जया य कुमरो तया। सणियं सणियं सो वि, अणुवच्चइ तं किर ।।१९।। अदठूण कुमारो तं, सयपहम्मि वड्डइ । विस्समलैंठियो सो हु, कम्मि सरोवरम्मि य ।।२०॥ तया णिहालियो तेण, आगच्छंतो य सज्जणो ।
सचित्तं" पुच्छियं तेण, कहमत्थ समागओ ॥२१॥ ७. अरण्ये (वालाब्वरण्ये लुक्-प्रा. व्या. ८।१।६६ इति सूत्रेण रणं, अरणं द्वौ भवतः)। ८. पद्मानि (ओत् पद्मे-प्रा. व्या. ८।१।६१)। ९. हु खु निश्चय-वितर्क-सम्भावन-विस्मये (प्रा. व्या. ८।२।१९८)। १०. गमिष्यामि (श्रु-गमि"..."प्रा.व्या. ८।३।१७१)। ११. अरुणोदयस्य (आयावलं अरुणतावं-पाइयलच्छी. ६०९)। १२. प्रतीक्षते (प्रा. व्या. ८४१९३)। १३. साश्चर्यम् ।
