________________
१२२
पाइयपडिबिंबो कुणेज्जा पावणं गेहं, भिक्खं गेण्हेज्ज संपयं । मुणीणं दंसणं होइ, सुदइवं विणा णहि ।।१२।। सोऊण पत्थणं तस्स, सुद्धहिअयणिग्गयं । रिओइ सो गिहे तस्स, भिक्खं गहिउमाणसो ॥१३॥ सुमुहो सुद्धवत्थु य, विसुद्धभावणाहि य । से सुद्धसाहुणो देइ, पफुल्लहियएण हु॥१४।। पंचदिव्वं समुन्भूअं, तम्मि कालम्मि से गिहे । दठूण मणुया इत्थं, वज्जरेंति परोप्परं ॥१५॥ धण्णो गाहावई इण्हिं, इमो सुमुहणामगो। दाही मुणीण दाणं जो, दुल्लहं जं य विज्जए ।।१६।। सामाइयाइकिच्चं य, कुणेउं सावगा पहू। परं सुपत्तदाणं य, ण संजोगं विणा इह ।।१७।। सुद्धं वत्थु जया होइ, सुद्धो हुवेइ दायगो। दाणस्स भावणा होइ, पत्तदाणं लहेइ य ।।१८।। दाऊण तस्स दाणं य, विसुद्धभावणाहि हु। बद्धं णराउयं तेण, पत्तदाणं महाफलं ।।१९।। बहुवाससयाइं सो, पालेऊण णराउयं । लभ्रूण समये मच्चु, उप्पन्नो णयरे इह ॥२०॥ . रायअदीणसत्तुस्स, राणीअ गब्भओ इमो । 'सुबाहु' त्ति तया णामो, दिण्णो य पिअरेहि से ॥२१॥ (जुग्गं) सुमुहस्स अयं जीवो, सुबाहुकुमरो य हु। दाऊण मुणिणो दाणं, लहीअ संपयं इमं ॥२२॥
५. सुभाग्यम् (एच्च दैवे-प्रा. व्या. ८।१।१५३) । ६. प्रविशति (प्रविशेरिअ:प्रा. व्या. ४।४।१८३)। ७. पंच दिव्य -(१) सुवर्ण वृष्टि (२) पांच वर्षों के फूलों की वर्षा (३) वस्त्रों का उत्क्षेप (४) देव दुंदुभियों का आहत होना (५) आकाश में 'अहोदानं, अहोदानं' ऐसी उद्घोषणा होना । ८. कथयन्ति (कथेर्वज्जर...."प्रा. व्या. ४।४।२) । ९. संपदाम् ।
