________________
:३६४
नव पदार्थ
६६. दंसण मोह उदे सरधे उधो, हाथे मारग न आवें सुधो।
उंधी सरधा रो सरदणहारो, ते मिथ्यात आश्रव दुवारो ।।
६७. मूढ कहें आश्रव नें रूपी, वीर कह्यों आश्रव ने अरूपी।
सूतरां में कह्यों ठाम ठाम, आश्रव ने अरूपी ताम ।।
६८. पांच आश्रव नें इविरंत तांम, माठी लेस्या तणा परिणाम ।
माठी लेस्या अरूंपी छे ताय, तिणरा लषण रूपी किम थाय ।।
६६. उजला नें मेला कह्या जोग, मोह करम संजोग विजोग।
उजला जोग मेला थाय, करम झरीयां उजल होय जाय ।।
७०. उत्तराधेन गुणतीसमां मांय, 'जोगसच्चे कह्यों जिणराय।
जोगसच्चे निरदोष में चाल्या, त्यां ने साधां रा गुण माहें घाल्या ।।
७१. साधां रा गुण जें सुध मांन, त्यांने अरूपी कह्या भगवान।
त्यां जोग आश्रव नें रूपी थाप्या, त्यां वीर नां वचन उथाप्या।।
७२. ठाणा अंग तीजा ठाणा मझार, जोग वीर्य रो व्यापार ।
तिण सूं अरूपी छे भाव जोग, रूपी सरधे ते सरधा अजोग ।।
७३. जोग आतमा जीव अरूपी, त्यां जोगां में मूढ कहे रूपी।
जोग जीव तणा परिणाम, ते निश्चें अरूपी छे तांम ।।
