________________
३६२
नव पदार्थ
५८. पुन निवद जोगां सूं लागे छें आय, ते करणी निरजरा री छें ताय । पुन सहजा लागे छें आय, तिण सूं जोग छें आश्रव मांय ।।
५६. जे जे संसार नां छें कांम, त्यांरा किण २ रा कहूं नांम । ते सगला छें आश्रव तांम, ते सगला छें जीव परिणांम । ।
६०. करमां ने लगावें ते आश्रव, तेहिज छें आश्रव जीव दरब । लागे ते पुदगल अजीव, लगावें ते निश्चेंई जीव ।।
६१. करमां रो करता जीव दरब, करतापणो तेहिज आश्रव । कीधा हुआ ते करम कहिवाय, ते तो पुदगल लागे छें आय ।।
६२. ज्यांरे गूढ मिथ्यात अंधारो, ते नहीं पिछांणे आश्रव दुवारो । त्यांनें संवली तो मूल न सूझे, दिन २ इधक अलूझे ।।
६३. जीव रे करम आडा छें आठ, ते लग रह्या पाटानुपाट । ज्यांमें घातीया करम छें च्यार, मोष मारग रोकणहार ।।
६४. ओर करमां सूं जीव ढंकाय, मोह करम थकी विगडाय । विगड्यो करें सावद्य व्यापार, तेहिज आश्रव दुवार ।।
६५. चारित मोह उदे मतवालो, तिण सूं सावद्य रो न हुवे टालो । सावध रो सेवणहारो तेहिज आश्रव दुवारो ।।
