________________
३५०
नव पदार्थ
१०. यांरा ढांकणा संवर दुवार, आश्रव दुवार नां रूंधणहार।
नवा करम नां रोकणहार, ए पिण जीव रा गुण श्रीकार ।।
११. इम हिज कह्यो चोथा अंग मझारो, पांच आश्रव ने संवर दुवारो।
आश्रव करमां रो करता उपाय, करम आश्रव सूं लागे , आय ।।
१२. उतराधेन गुणतीसमां माह्यों, पड़िकमणा रो फल बतायो।
व्रतां रा छिद्र ढंकायो, वले आश्रव दुवार रूंधायो।।
१३. उतराधेन गुणतीसमां माह्यों, पच्चक्खाण रो फल बतायो।
पचखांण सं आश्रव रूंधायो, आवता करम ते मिट जायो।।
१४. उतराधेन तीसमां रे माह्यों, जल नां आगम रूंधायो ।
जब पांणी आवतो मिट जावे, ज्यूं आश्रव रूंध्यां करम नावें ।।
१५. उतराधेन उगणीसमां माह्यों, माठा दुवार ढांक्या कह्यां ताह्यो।
करम आवा नां ठाम मिटायो, जब पाप न लागे आयो।।
१६. ढांकीया कह्या आश्रव दुवार, जब पाप न बंधे लिगार ।
कह्यों छे दशवीकालिक मझार, तीजा अधेन में आश्रव दुवार ।।
१७. रूंधे पांचूंई आश्रव दुवार, ते भीषू मोटा अणगार।
ते तो दसवीकालिक मझार, तिहां जोय करो निस्तार ।।
