________________
२६६
नव पदार्थ
३१. जीव क्रोध करें क्रोध री प्रकत सूं, मांन करें मान री प्रकत सूं तां । माया कपट करें छें माया री प्रकत सूं लोभ करें छें लोभ री प्रकत सूं आंम । ।
३२. क्रोध करें तिण सूं जीव क्रोधी कहायो, उदे आइ ते क्रोध री प्रकत कहाणी । इण ही रीत मान माया नें लोभ, यांनें पिण लीजो इण ही रीत पिछांणी ।।
३३. जीव हसे छै हास्य री प्रकत उदे सूं, रित अरित री प्रकत सूं रित अरित बघावें । भय प्रकत उदे हुआ भय पांमें जीव, सोग प्रकत उदे जीव नें सोग आवें । ।
३४. दुगंछा आवें दुगंछा प्रकत उदे सूं, अस्त्री वेद उदे सूं वेदे विकार । तिणनें पुरष तणी अभिलाषा होवे, पछे वेंतो २ हुवे बोहत बिगाड ।।
३५. पुरष वेद उदे अस्त्री नीं अभिलाषा, निपुंसक वेद उदे हुवे दोयां री चाय । करम उदे सूं सवेदी नांम कह्यों जिण, करमा नें पिण वेद कह्या जिण राय ।।
३६. मिथ्यात उदे जीव हुवो मिथ्याती, चारित मोह उदे जीव हुवो कुकरमी । इत्यादिक माठा २ छै जीव राम नांम, वले अनार्य हिंसाधर्मी । ।
३७. चोथो घनघातीयो अंतराय करम छै, तिणरी प्रकृत पांच कही जिण तां । ते पांचूई प्रकत पुदगल चोफरसी, त्यां प्रकृत रा छै जूजूआ नांम ।।
३८. दानांतराय छै दान रे आडी, लाभांतराय सूं वस्त लाभ सके नांहीं । मन गमता पुदगल नां सुख जे लाभ न सके सब्दादिक कांई । ।
