________________
२६२
नव पदार्थ
१४. पांच निद्रा ने च्यार दर्शणावर्णी थी, जीव अंध हुवे जाबक न सुझे लिगारो।
देखण आश्री दर्शणावर्णी कर्म, जीव रे जाबक कीयो अंधारो ।।
१५. दर्शणावर्णी कर्म षयउपसम हुवे जद, तीन षयउपशम दर्शन पांमें छै जीवो। ___ दर्शणावर्णी जाबक षय होवे जब, केवल दर्शण पामें ज्यूं घट दीवो।
१६. तीजो घनघातीयो मोह कर्म छे, तिणरा उदा सूं जीव होवै मतवालो।
सूधी श्रद्धा रे विषे मूढ मिथ्याती, माठा किरतब रो पिण न होवै टालो ।।
१७. मोहणी कर्म तणा दोय भेद कह्या जिण, दर्शण मोहणी ने चारित मोहणी कर्म।
इण जीव रा निज गुण दोय बिगास्या, एक समकत ने दूजो चाारित धर्म ।।
१८. वले दर्शण मोहणी उदे हुवे जब, सुध समकती जीव रो हुवे मिथ्याती।
चारित मोहणी कर्म उदे हुवे जब, चारित खोयनें हुवे छ काय रो घाती।।
१६. दर्शण मोहणी कर्म उदे सूं, सुधी सरधा समंकत नावे ।
दर्शण मोहणी उपसम हुवे जब, उपसम समकत निरमली पावे ।।
२०. दर्शण मोहणी जाबक खय होवे, जब खायक समकित सासती पावे ।
दर्शण मोहणी षयउपसम हुवे जब, षयउपसम समकत जीव नें आवै ।।
२१. चारित मोहणी कर्म उदे सूं, सर्व विरत चारित नहीं आवे ।
चारित मोहणी उपसम हुवे जब, उपसम चारित निरमलो पावे ।।
२२. चारित मोहणी जाबक खय हुवे, तो खायक चारित आवे श्रीकार ।
चारित मोहणी खयोपसम हुरे जद, खयउपसम चारित पामें च्यार ।।
