________________
जीव पदारथ
दुहा १. नमूं वीर सासण धणी, गणधर गोतम सांम।
तारण तिरण पुरषां तणां, लीजे नित प्रत नाम ।।
२. त्यां जीवादिक नव पदारथ तणो, निरणो कीयो भांत भांत ।
त्यांने हलुकर्मी जीव ओलखे पूरी मन री खांत ।।
३. जीव अजीव ओलख्यां बिनां। मिटे नहीं मन रो भर्म ।
समकत आयां विण जीव नें, रूके नहीं आवतां कर्म ।। ।
४. नव ही पदारथ जू जूआ, जथातथ सरदे जीव ।
ते निश्चे समदिष्टी जीवड़ा, त्यां दीधी मुगत री नींव ।।
५. हिवे नव ही पदारथ ओलखायवा, जूआ जूआ कहूं धूं भेद।
पहिला ओलखाऊं जीव नें, ते सुणजो आंण उमेद ।।
ढाल : १
(विना रा भाव सुण सुण गुंजे) सासतो जीव दरब साख्यात, कदे घटे नहीं तिलमात । तिणरा असंख्यात प्रदेस, घटे बधे नहीं लवकेस ।।
