________________
સ્તવનાની પાંચમી કડી
કેટલીક શ્રેષ્ઠ પ્રાર્થનાઓ
પ્રભુ ! આપ ત્રિભુવનના નાથ છો. હું આપનો દાસ છું. પ્રભુ! મારી એક અભિલાષા છે કે આત્મસ્વભાવનું સ્મરણ મને સતત થાઓ! એના જ જ્ઞાન, દર્શન અને
ચારિત્રની ધારા ચાલ્યા કરો ! અને આ બધાનું ધ્યાન
સતત રહે !
રાજસ્થાનમાં છેવાડે આવેલું એક ગામ. જૈનોનાં પાંચ-સાત ઘર. મધ્યમવર્ગનાં. ગામમાં એક માજી રહે. દહેરાસર ગામમાં નહિ. ફોટામાં પ્રભુનાં દર્શન કરે અને ત્યારે રોજ આંખો ભીંજાય પ્રભુનું દર્શન ક્યારે મળશે?
એમના એક સંબંધીએ શત્રુંજય તીર્થના સંઘ કાઢ્યો. માજી એમાં યાત્રા માટે ચાલ્યાં. પહેલી જ વાર પાલીતાણાની યાત્રા કરવાની હતી. પાલીતાણા આવ્યું. માજી ઉપર ગયાં.
ઉપર તો ભગવાન જ ભગવાન. જ્યાં જુઓ ત્યાં ભગવાન. એ વખતે માજીએ પ્રાર્થના કરી : ભગવાન ! તમે આટલા બધા અહીં છો, તો બે-ત્રણ ભગવાન તો મારે ગામ આવો ! અમે તમારી બરોબર ભક્તિ કરશું. પ્રભુ ! આવો !
