________________
ભોગપરિત્યાગો પ્રવજ્યા, શ્રુતપરિગ્રહો, તપ, ઉપધાન, સંલેખના, ભક્તપ્રત્યાખ્યાનો, પાદપોપગમનો, દેવલોકગમનો, સુકુલમાં પ્રત્યવતારો, બોધિલાભ અને અંત ક્રિયાઓ વિશે માહિતી આપવામાં આવી છે.
(૭) ઉપાસકદસ સૂત્ર -આ ગ્રંથમા અધ્યયનો દસ છે. અને ભગવાન મહાવીરના દસ ઉપાસકોના આચારનું વર્ણન છે. અભયદેવસૂરિએ આની પર ટીકા લખી છે. આનંદ ઉપાસક, કામદેવ ઉપાસક, ચુલાણી પિતાગૃહપતિ, સુરાદેવ ગૃહપતિ, ચુલ્લશતક, કુંડકોલિક શ્રમણોપાસક, સદાલપૂત્ર કુંભારની, મહાશતક ગૃહપતિ, નંદિનીપિતા અને સાલિદીપિતાની કથાઓના વર્ણન છે. વર્ણનોમાં વિવિધતા ખુબજ ઓછી છે. આમ આ ગ્રંથમા ઉપાસકોના સંક્ષિપ્ત જીવનની માહિતિ છે.
' (૮) અંતગડદસાઓઃ-જેમના કર્મોનો ક્ષય થયો છે તેને અંતકૃત કહેવાય છે. જેમના કર્મોનો ક્ષય ક્ષયો છે તેવા કેવલીઓના કથન કહેતો આ ગ્રંથ આઠ વર્ગમાં રચાયેલો છે. પ્રથમ વર્ગમાં ગૌતમ કેવલીની કઠોર તપસ્ચર્યાનું વર્ણન છે. બીજા વર્ગમાં આઠ અધ્યયન છે. ત્રીજા વર્ગમાં અણીયસ ગૃહપતિની વાત આવે છે. જેણે શત્રુંજ્ય પર્વત પર જઈને કેવલજ્ઞાન પ્રાપ્ત કર્યાનો ઉલ્લેખ છે. ચોથા-પાંચમા વર્ગમાં દસ-દસ અધ્યયન છે. ભગવાન અરિષ્ઠનેમિનો ઉલ્લેખ આવે છે. છઠા વર્ગમાં સોળ અધ્યયન છે. અભયદેવ સૂરિની ટીકા મળે છે. આઠમા છેલ્લા વર્ગમાં અનેક વ્રત, ઉપવાસ, તપના પ્રકારોનો ઉલ્લેખ છે.
(૯) અનુત્તરીપ પાતિક સૂત્ર-અનુત્તર વિમાનોમાં ઉત્પન્ન
