________________
तुलना - सूर्यप्रज्ञप्ति : चोत्तालं चंदसयं चोत्तालं चैव सूरियाणसयं । पोक्खरवरदीवम्मिच चरंति एए पभासंता ॥
चत्तारि सहस्साइं छत्तीसं चेव हुति णक्खत्ता । छच्च सया बावत्तरं महग्गहा बारससहस्सा'
छण्णउति सयसहस्सा चोत्तालीसं खलु भवे सहस्साइं । चत्तारिय सया खलु तरागणकोडिकोडीणं ॥
बावत्तरि च चंदा बावत्तरिमेव दिणकरा दित्ता । पुक्खरवरदीवद्धे चरंति एए पभासेंता ।।
तिण्णि सया छत्तीसा, छच्च सहस्सा महग्गहाणं तु । णक्खत्ताणं तु भवे, सोलाई दुबे सहस्साइं ।
अड्यालसयसहस्सा बावीसं खलु भवे सहस्साइं । दोउ सूरे पुक्खरद्धे तारागण कोडिकोडीणं ॥
बत्तीसं चंदसयं बत्तीसं चेव सूरियाण सयं । सयलं मणुसलोयं चरंति एए पमासता ॥
एक्कारस सयसहस्सा छप्पिय सोला महग्गहाणं तु । छच्च समा छण्णउया णक्खत्ता तिण्णि य सहस्सा ॥
अट्ठासीई चत्ताइं सयसहस्साइं मणुयलोगंमि । सत्तयसया अणूणा तारागण कोडिकोडीणं ॥
एसो तारापिंडो सव्व समासेण मणुयलोयंमि । बहित्ता पुण ताराओ जिहिं भणिया असंखेज्जाओ ॥
37
