________________
આલેખીને રહેલો છું. હવે એવી પ્રાર્થના કરું છું કે, જેમ આ અક્ષત વાવ્યા છતાં ફરી ઊગતા નથી. તેમ જન્મ-જરા-મરણ રૂપ જંજાળ જ્ઞાન, દર્શન અને ચારિત્ર આપવા દ્વારા આપ ટાળો અને મારે પણ આ સંસારમાં અક્ષતની જેમ પુન: જન્મ પામવો નથી અને સિદ્ધશિલા ઉપર વાસ થાઓ.
સાથિયો કરતી વખતે બોલવાના દુહા અક્ષતપૂજા કરતાં થકાં, સફલ કરું અવતાર, ફળ માંગુ પ્રભુ આગળે, તારતાર મુજ તાર. ૧ સંસારિક ફલ માંગીને ૨ઝડ્યો બહુ સંસાર અષ્ટકર્મ નિવારવા, માંગુ મોક્ષ ફળ સાર. ૨ ચિહું ગતિ ભ્રમણ સંસારમાં, જન્મ-મરણ જંજાળ, પંચમ ગતિ વિણ જીવને, સુખ નહિ ત્રિકું કાલ. ૩ દર્શન-જ્ઞાન-ચારિત્રના, આરાધનથી સાર, સિદ્ધશિલાની ઉપરે હોજો મુજ વાસ શ્રીકાર. ૪
૭. નૈવેદ્યપૂજા :
અણાહારી પદ મેળવવા માટે નૈવેદ્ય પૂજા કરવી.
અણાહારી પદ મેં કર્યા, વિગ્ગહ ગઈ ય અનંત, દૂર કરી તે દીજીએ, અણાહારી શિવ સંત. [૭]
(જીવ એક ગતિમાંથી બીજી ગતિમાં જાય ત્યારે એક-બે-ત્રણ સમયમાં બીજી ગતિમાં પહોંચે છે. આ વચ્ચેનો સમય તે વિગ્રહ ગતિ કહેવાય છે.“સમય” એ એટલો સૂક્ષ્મકાળ છે જે કેવલીની દૃષ્ટિએ પણ અવિભાજ્ય અંશ છે. એક સેકન્ડમાં આવા અસંખ્યાત સમય થઈ જાય છે. આપણે અનાદિકાળથી આ સંસારમાં ભટકીએ છીએ એટલે એક ગતિમાંથી બીજી ગતિમાં પણ અનંત વાર ગયા છીએ એટલે આપણી વિગ્રહગતિ અનંતવાર થઈ છે.)
અર્થ : એક ગતિમાંથી બીજી ગતિમાં જતાં વચ્ચેની વિગ્રહગતિમાં અણાહારી પદ મેં અનંતવાર પ્રાપ્ત કર્યું. પરંતુ તે કાયમ ન હતું. માટે તેને દૂર કરીને શિવપદમાં મુક્તિમાં જે શાશ્વત અણાહારીપણું પ્રાપ્ત થાય છે. એવું અણાહારી પદ મને આપો. ન કરી નૈવેધ પૂજના ન ધરી ગુરુની શીખ,
લેશે પરભાવે અશાતા, ઘર ઘર માંગશે ભીખ.
આ પૂજામાં નૈવૈદ્ય તરીકે ઉત્તમ થાળમાં સર્વ જાતિના નૈવેદ્ય સાકર-પતાસાં,
૫૪ ભાત્રિક ભાવત્રિક
