________________
ગમનાગમન ચાલુ થશે. કુદરતની એટલી બધી મોટી કૃપા સુભિક્ષસુકાળ દ્વારા નવા આ પાટલિપુત્ર પર વરસશે કે, પાકેલાં મબલખ પાકને ખરીદનાર કોઈ નહિ મળે ! કલ્કિ પણ એવું સુશાસન સ્થાપશે કે, પ્રજાને એવી અનુભૂતિ થયા વિના નહિ રહે કે, આ તો કલ્કિની કાયા જ એની એ છે, બાકી એમાંનો આત્મ પલટાઈ ગયો લાગે છે, નહિ તો ધર્મસંહારક એ કલ્કિ અને પ્રજાપાલક આ કલ્કિ વચ્ચેની વિષમતા કઈ રીતે બંધબેસતી બની શકે ?
આ રીતે પચાસેક વર્ષ સુધી સુશાસન ચલાવીને પ્રજાપ્રિય બનનારા કલ્કિનું કાળજુ એક દહાડો પુનઃ ગોઝારા ભૂતકાળનું પુનરાવર્તન કરીને જૈન શ્રમણો આદિને પીડવા માંડશે અને ભુલાઈ ગયેલી જૂના પાટલિપુત્રનો એ ભૂતકાળ ફરી નવા પાટલિપુત્રને જોવાનો વખત આવશે. નવો કલ્કિ ફરી જૂનો કલ્કિ બની જશે અને સાધુઓને ક૨ આપવા ઉપરાંત પ્રાપ્ત-ભિક્ષાનો છઠ્ઠો ભાગ આપવા વિવશ બનવાની આકરી ફરજ પાડશે અને ઘણા ઘણા સાધુઓને એ જેલના સળિયા પાછળ ધકેલી દઈને ચોમેર કાળોકેર વર્તાવી દેશે. આ વખતે પણ નગરદેવતા પુણ્યપ્રકોપ ઠાલવશે, પણ મદાંધ કલ્કિ એ પ્રકોપને ગણકાર્યા વિના સાધુઓના વેશ ઉતારવાનું, કર માંગવાનું અને જૈન સંઘને પીડવાનું ગોઝારું કાર્ય ચાલુ જ રાખશે.
યુગપ્રધાન આચાર્ય શ્રી પાડિવત આ વખતે સંઘની સુરક્ષાર્થે પોતાનું કર્તવ્ય અદા કરવા ઇન્દ્રને યાદ કરશે. આના પ્રભાવે અંબા અને યક્ષદેવ કલ્કિને “રૂક જા”નો પ્રચંડ પડકાર કરશે. પણ વિનાશકાળે વિપરીત બુદ્ધિને પામેલો કલ્કિ આ દેવાદેશનેય જ્યારે પગ તળે કચડી નાખશે અને દમનનો દોર સવાયા જોરથી ચાલુ જ રાખશે, ત્યારે સકલ-સંઘ કાયોત્સર્ગ દ્વારા ઇન્દ્રને યાદ કરશે. આથી ઇન્દ્રનું આસન કંપશે અને દક્ષિણ-લોકપતિ ઇન્દ્ર જિનપ્રવચનના કટ્ટર વિરોધી કલ્કિનો તત્કાળ નાશ કરીને કલ્કિના પુત્ર દત્તને પાટલિપુત્રના સિંહાસન પર, હિતશિક્ષાના બે શબ્દો કહીને અભિષિક્ત કરશે. કલ્કિ કરતાં એનો પુત્ર દત્ત સાવ જ
મહારાજા ખારવેલ
૧૩૨
