________________
કુદરતની કે કર્મની કલમ પણ કદીક અભૂતપૂર્વ ઇતિહાસ લખે છે! જે ઇતિહાસનાં પાત્રોમાં કદીક સ્વામી સેવક કે સેવક સ્વામી બનતો જોવાય છે. જેનાં પાને દોસ્ત દુશ્મન તો દુશ્મન દોસ્ત થતો જોઈને કર્મરાજની એ નાટ્યકલા પર આશ્ચર્ય જન્મી ઊઠે છે!
ઊડતાં ઊડતાં એ બધાં પંખીઓ પાછાં એક જ માળામાં પુરાયાં ! પણ અહીં પતિ પામર બન્યો ને પત્ની પ્રભુ બની ! ગિરનારનાં ગીતગાન ગાતાં ગાતાં છેલ્લો શ્વાસ છૂટ્યો હતો, એથી સતી અંબિકા મટીને ગિરનારની અધિષ્ઠાત્રી દેવી અંબિકા બની ને ગતજનમનો પતિ સોમભટ્ટ એ દેવીના વાહન તરીકે એ માળામાં ભરાયો ! અને જેને સાથે લઈને અંબિકાએ કૂવો પૂર્યો હતો, એ બે માસુમ ફૂલો પણ આ જ માળાનાં પંખી બન્યાં ! આમ, ગિરનારના ગાને, જે આત્મહત્યાનાં વિષની ગોઝારી અસરને પલટાવી દીધી ! ભગવાન તેમના ધ્યાને, આત્મઘાતના અમલમાંથી પણ અમૃત ખેંચી કાઢ્યું !
મહાતીર્થ ગિરનારની ગીત-ગાયિકા ને અધિષ્ઠાત્રી આજની અંબિકાદેવીનો આ ઇતિહાસ છે ! આ ઇતિહાસના પાનાં ઉથલાવતાં ક્રોધની કરુણ કહાણીય સંભળાય છે ! ગિરનારની ગીત-ગાયિકા આ અંબિકાદેવી આજેય ગિરનારનું દિનરાત રખોપું કરે છે !
૮૨ ગિરનારની ગૌરવગાથા
