________________
કથા પરિચય બાવીશમાં તીર્થપતિ શ્રી નેમિનાથ પ્રભુના દીક્ષા, કેવળજ્ઞાન અને નિર્વાણ આ ત્રણ કલ્યાણકો જે પાવનભૂમિ પર થયા છે. તે પર્વતરાજ ગઢ ગિરનાર પશ્ચિમ ભારતની એકમાત્ર કલ્યાણક ભૂમિ છે. અતીત ચોવીસીના દશ જિનેશ્વરી આ જ ગિરનાર ગિરિ પરથી નિર્વાણ પામ્યાં હતાં. આવતી ચોવીસીના પ્રત્યેક પરમેશ્વર આ જ પર્વતની પીઠ પરથી મોક્ષના અનંત સામ્રાજ્યના સ્વામિ બનનાર છે. વળી કરોડો મુનિઓ આ ગિરિસંગે સિદ્ધિ વર્યા છે અને વરશે. શત્રુંજયના પાંચમા શિખર સ્વરૂપ આ ગિરનાર પણ સિદ્ધગિરિ છે આવા ગિરનારની ગૌરવગાથા ગાનારા તીર્થભક્તોના જીવન પ્રસંગો તથા ગિરિમંદિરોની માનસયાત્રા કાજે પ્રયાણ કરીએ.
