________________
તેમાં કેવળજ્ઞાન કલ્યાણકની દેરીમાં તો શ્રી રહનેમિજી તથા સાધ્વી રાજીમતીશ્રીજી અહીંથી મોક્ષે ગયા હોવાથી તેઓનાં પગલા પણ પધરાવવામાં આવેલ છે.
લગભગ ૪૦-૪૫ વર્ષ પૂર્વે તપસ્વી સમ્રાટ પૂ.આ.શ્રી હિમાંશુસૂરિજી મહારાજ પહેલી ટ્રકેથી આ કલ્યાણકભૂમિની સ્પર્શના કરવા માટે વિકટકેડીના માર્ગેથી આવતાં હતા. તે અવસરે કોઈ યાત્રિક આ ભૂમિની સ્પર્શના કરવા આવવાનું સાહસ કરતા નહીં, તેથી આચાર્ય ભગવંતના મનમાં વિચાર આવ્યો કે, “જો આ રીતે જ આ કલ્યાણભૂમિની ઉપેક્ષા કરવામાં આવશે, તો આ ઐતિહાસિક સ્થાનની સુરક્ષા જોખમમાં મૂકાઈ જશે.” આ સમય દરમ્યાન કોઈ દિવ્યપ્રેરણાના બળે પૂજ્યશ્રીએ વિચાર કર્યો કે પ્રાચીનદેરી અને માત્ર પગલાંના દર્શન કરવા કોઈ યાત્રિક ઉત્સુક બનતું નથી, તેથી તેઓને પુષ્ટ આલંબન મળે તે માટે દીક્ષાકલ્યાણક અને કેવળજ્ઞાનકલ્યાણકના પ્રતીકરૂપે બે જિનાલયોનું નિર્માણ થાય, તો અનેક ભાવિકો આ ભૂમિના દર્શન-પૂજન-સ્પર્શનનો લાભ પામી શકે. ત્યારબાદ તેઓશ્રીની પ્રેરણાથી ટ્રસ્ટે અથાગ પુરુષાર્થથી સહસાવનમાં જગ્યા મેળવી કેવળજ્ઞાન કલ્યાણકના પ્રતીકરૂપે સમવસરણ મંદિરનું નિર્માણ કર્યું. સમવસરણ મંદિર -
(શ્રી નેમિનાથ ભગવાન-૩૫ ઇંચ) આ સમવસરણ મંદિરમાં ચૌમુખજીના મૂળનાયક તરીકે શ્યામવર્ણીય સંપ્રતિકાલીન શ્રી નેમિનાથ ભગવાનની પ્રતિમા બિરાજમાન છે. આ ચૌમુખજી પ્રભુજીની પ્રતિષ્ઠા વિ.સં. ૨૦૪૦ ચૈત્ર વદ-પાંચમના દિવસે પૂ. આ. શ્રી હિમાંશુસૂરિજી મહારાજ, પૂ. આ. શ્રી નરરત્નસૂરિજી મહારાજ, પૂ. આ. શ્રી કલાપૂર્ણસૂરિજી મહારાજ, પૂ. પં. હેમચન્દ્રવિજયજી ગણિવર્ય આદિ વિશાળ સાધુ સાધ્વી સમુદાયની પાવન નિશ્રામાં થયેલ છે.
૧૫૪ હું ગિરનારની ગૌરવગાથા
