________________
ઓઘડ ટૂક :| (ચોથી ટૂક) આ ઓઘડટૂક ઉપર પહોંચવા માટે કોઈ પગથિયાં કરવામાં આવ્યા નથી, તેથી આડાઅવળા પથ્થર ઉપર ચઢીને જવાય છે. આ માર્ગ ખૂબજ વિકટ હોવાથી કોઈ અતિશ્રદ્ધાવાન સાહસિક આ શિખરને સર કરવાના પ્રયત્નો કરે છે. આ ટૂંક ઉપરની એક મોટી કાળી શિલામાં શ્રી નેમિનાથની પ્રતિમા તથા બીજી શિલા ઉપર પગલાં કોતરવામાં આવેલા છે. જેમાં વિ. સં. ૧૨૪૪નો પ્રતિષ્ઠા કર્યાનો લેખ જોવામાં આવતો હતો. ચોથી ટૂકથી સીધા બારોબાર પાંચમી ટૂકે જવામાં જાનનું જોખમ થાય તેવો વિકટ રસ્તો છે. તેથી ચોથી ટૂકથી નીચે ઉતરી આગળ વધતાં ડાબા હાથ તરફની સીડીથી લગભગ ૬૦૦ પગથિયા ઉપર ચઢતાં પાંચમી ટૂકનું શિખર આવે છે. આ પગથિયાનો ચઢાવ ઘણો કઠીન છે. પાંચમી ટૂક :
(મોક્ષકલ્યાણક ટૂક) ગિરનાર માહાસ્ય અનુસાર આ પાંચમી ટૂકે પૂર્વાભિમુખ પરમાત્માના પગલાં ઉપર વિ.સં. ૧૮૯૭ના પ્રથમ આસો વદ-૭ ના ગુરુવારે શા. દેવચંદ લક્ષ્મીચંદ વડે પ્રતિષ્ઠા કરાવ્યાનો લેખ છે. તે પગલાંની આગળ હાલ અજૈનો દ્વારા દત્તાત્રયની પ્રતિમા પધરાવવામાં આવેલ છે. તે મૂર્તિની પાછળની દીવાલમાં પશ્ચિમાભિમુખ શ્રી નેમિનાથ ભગવાનની પ્રતિમા કોતરવામાં આવેલ છે. જેને હિન્દુઓ શંકરાચાર્યની મૂર્તિ હોવાનું કહે છે. આ પગલાંની પ્રદક્ષિણા પૂર્ણ થતાં ડાબા હાથે એક મોટો ગંજાવર ઘંટ છે. જેમાં વિ.સં. ૧૮૯૪ની સાલ નો ઉલ્લેખ છે. અહીં જાત્રાર્થે પધારતાં સર્વ હિન્દુયાત્રાળુઓ શ્રદ્ધાપૂર્વક આ ઘંટ વગાડીને પોતાની ગિરનારની યાત્રા પૂર્ણ થયાનો આનંદ માણે છે. હાલમાં આ ટૂક દત્તાત્રયના નામે પ્રસિદ્ધ થયેલ છે, જૈન માન્યતાનુસાર શ્રી નેમિનાથ પરમાત્માના શ્રી વરદત્ત, શ્રી ધર્મદત્ત અને શ્રી નરદત્ત એમ ત્રણ ગણધરના નામના છેડે “દત્ત' શબ્દ આવતો હોવાથી ગિરનારની ગૌરવગાથા ૧૫૧
