________________
હું મૃત્યુની પળોમાં પણ પ્રસન્ન રહી શકીશ, એવો મને વિશ્વાસ છે.
કોર્ટે આ વાત માન્ય રાખતાં શેઠ મોતીશાહ ભાયખલા પહોંચી ગયા. ફાંસીની ફરમાવાઈ ગયેલી સજાને જાણે એઓ વીસરી ગયા અને ભગવાનની ભક્તિમાં તલ્લીન બની ગયા. એમના અંતરમાં એ જાતનો આનંદ છલકાઈ રહ્યો હતો કે, થોડી જ પળો પછી સર્જાનારી ભીષણતાની કલ્પનાય જાણે ભૂંસાઈ જવા પામી હોય, એમ એમના મોં પર છવાઈ ગયેલી પ્રસન્નતા જોતાં જણાતું હતું. અંતિમ પૂજાની જેમ અંતિમ આરાધના કરીને શેઠ મંદિરમાંથી બહાર નીકળ્યા. ફાંસીનો માંચડો એમની રાહ જોઈ રહ્યો હતો. જીવદયા કાજે શહીદી વહોરવાપૂર્વક ચોકીદાર પર તોળાયેલું મોત પોતાને માથે મોલી-વહોરી લેવાનો સ્વામી ધર્મ અદા કરવા શેઠ ફાંસીના માંચડા પાસે આવી ઊભા.
દેવ-ગુરુ-ધર્મનું શરણ સ્વીકારવાપૂર્વક નવકારમંત્રનો નાદ જગવતાં શેઠ મોતીશાહ ફાંસીના માંચડે ચડી ગયા. એ જમાનામાં મુંબાદેવીના જાહેર ચોકમાં ફાંસી આપવામાં આવતી. આ પૂર્વે તો અપરાધીની હત્યા પર હાસ્ય વેરવા આ ચોકમાં લોકોનું ટોળું જામતું, પણ આજે જીવદયા કાજે શહીદી વહોરવા સજ્જ થયેલા શેઠ મોતીશાહને વળાવવા અને જાણે શોકસભામાં ભાગ લેવા મેદની ઊમટી હતી. શેઠ ફાંસીના માંચડે ચડ્યા અને મેદનીની આંખ બંધ થઈ ગઈ. હવે પછીનું દશ્ય જોવા કોઈ આંખની તૈયારી ન હતી.
બધાની આંખો બંધ હતી, પણ શાસનદેવ જાગ્રત હતા. શેઠ હસતે હૈયે ફાંસીના માંચડે ચડ્યા, ફાંસલો તંગ કરવાનો પ્રયત્ન જલ્લાદોએ કર્યો, પણ એ નિષ્ફળ નીવડ્યો. જલ્લાદોએ વધુ જોર અજમાવતાં સફળતા તો ન મળી, ઉપરથી
જૈનશાસનના જ્યોતિર્ધરો ભાગ-૩ ? •
