________________
નામે પ્રતિષ્ઠિત આ પરિવારે ધર્મદાતા પૂજ્યશ્રીની પ્રેરણા | પામીને ઘણા ઘણા શાસનપ્રભાવક ધર્મપ્રસંગો ઊજવી જાણ્યા હતા. એથી એ પરિવાર દ્વારા આયોજિત પુણ્ય-પ્રસંગોના માધ્યમે અદ્ભુત શાસન પ્રભાવના સરજાયા વિના ન રહેતી. આ કારણે એમના અભંગ દ્વારે દાનાર્થીઓની અવરજવર સતત ચાલુ રહેતી અને માકુભાઈ શેઠના હાથમાંથી દાનધારાય વહેતી રહેતી.
એક વાર શેઠ સમક્ષ પાંજરાપોળનું કાર્ય લઈને થોડાક કાર્યકર્તાઓ આવ્યા. છત્રીસેક હજારનું દાન મળે, તો ચાલતી પાંજરાપોળમાં પ્રાણ પુરાઈ જાય, એવી ઘણીબધી પ્રવૃત્તિઓ ધબકતી બની જાય. કાર્યકરો એવી આશા સાથે આવ્યા હતા કે, આ શેઠ એવા દાતાર છે કે, આટલી રકમ માટે હવે બીજા કોઈના સામે હાથ લંબાવવાની જરૂર નહિ જ પડે. આવી આશા લઈને આવેલા કાર્યકરોએ પોતાની રજૂઆત વિગતવાર અને ખૂબ ખૂબ આશાભર્યા અંતરે કરીને છેલ્લે એટલું જ કહ્યું કે,
શેઠ ! આપના માટે તો આ રકમ ઘણી જ મામૂલી ગણાય. માત્ર ૩૬ હજારનો ખર્ચ અંદાજ્યો છે. પણ આટલું કાર્ય પતી જાય, તો પાંજરાપોળની બીજી બીજી અનેક પ્રવૃત્તિઓમાં પ્રાણ પુરાઈ જતાં સંપૂર્ણ પાંજરાપોળ પ્રગતિના પંથે જાણે દોડતી થઈ જાય.'
કાર્યકર્તાઓની આવી રજૂઆત સાંભળ્યા પછી તો શેઠની દાનભાવના ઝાલી ન રહી. એમને થયું કે, એકી સાથે રકમ ભરી દઉં, તો પુણ્યબંધ પણ એકસામટો જ થઈ જાય. એમણે જોયું, તો સાતેક હજાર જેટલી જ રોકડે ચૂકતે થઈ શકે એટલી રકમ હાથવગી હતી, જ્યારે હૈયું સંપૂર્ણ લાભ લેવા થનગની રહ્યું હતું. એથી શેઠ વિમાસણ અનુભવી રહ્યા હતા, ત્યાં જ એમની નજર પોતાના હાથની આંગળી પર કેન્દ્રિત થઈ. '
જૈનશાસનના જ્યોતિર્ધરો ભાગ-૩ ૦
૦
-
