________________
થયો હોવાથી આ માળ ઉતારી નાખવામાં બહુ તકલીફ કે મુશ્કેલી પણ પડે એમ નથી.
ત્રિભુવન ભાણજીએ એવી કુનેહપૂર્વક વાત રજૂ કરી કે, પૂરા પરિવારે બંગલાનો પાંચમો માળ ઉતારી નાખવા દ્વારા જિનમંદિરના ગૌરવની પ્રતિષ્ઠાના એ નિર્ણયને વધાવી લીધો. શેઠ તો કર્યું એ કામ ને વીધ્યું એ મોતીઆ કહેવતને યથાર્થ કરવામાં માનનારા હતા. એથી એ જ દિવસે સુથાર-કડિયાને બોલાવીને એમણે કહ્યું કે, જે હર્ષોલ્લાસપૂર્વક તમે આ બંગલાનો પાંચમો માળ બનાવ્યો હતો, એથીય સવાયા હર્ષોલ્લાસ સાથે તમારે આ પાંચમો માળ ઉતારી લેવાનો છે. કેમ કે જેમ જેમ આ માળ ઉતારાતો જશે, એમ એમ જિનમંદિરની ઊંચાઈ વધતી જશે.
શેઠની આ વાત સાંભળીને સુથાર-કડિયા તો ઠીક આખા ભાવનગરનો જૈનસંઘ આશ્ચર્યવિભોર બની જવા પામ્યો, જિનમંદિરનું ઊંચાઈ-મૂલક ગૌરવ વધારવા આ રીતે પોતાના બંગલાના પાંચમા માળને તોડી પાડવાનો નિર્ણય લેવો, એ ધ્વજારોપણનો ચડાવો લેવા ખાતર હજારો | લાખોની બોલી બોલવા કરતાંય વિશેષ હતું, ભાવનગરને એ દહાડે સગી આંખે એ જોવા-જાણવા મળ્યું. એ પ્રતિષ્ઠાપ્રસંગ આજેય ભુલાયો નથી, એના મૂળમાં આ ઘટનાનો સવિશેષ હિસ્સો હોવાનો કોઈ દાવો કરે, તો તે વધુ પડતો ન ગણાય.
જૈનશાસનના જ્યોતિર્ધરો ભાગ-૨ # ૨
