________________
POPOV
નાગફણી-તીર્થ : જ્યાં આજેય જ્વલંત ચમત્કારનો ચિરાગ!
નિ | જૈનશાસનના જ્યોતિર્ધરો ભાગ-૧
વિશ્વમાં બીજા કોઈને પણ ન મળ્યા હોય, એવા બે અજોડ અને અલૌકિક વારસા આપણને મળ્યા છે. એક વારસો તે જિનાગમ! અને બીજો વારસો તે જિનબિંબ ! અતિશયોક્તિનો આશરો લીધા વિના છાતી ઠોકીને એમ કહી શકાય કે, આવો સમૃદ્ધ વારસો જ્યાં મુક્તમને વિલાસવિકાસ સાધતો રહ્યો હોય, એવું દર્શનીય સમગ્ર વિશ્વનું એક માત્ર મંગલ મંદિર એટલે જ જિનશાસન.
આગમ-શાસ્ત્રો, સાહિત્ય, પુસ્તકો અને સુવિચારોની ઠેર ઠેર વહેતી સરવાણીના રૂપમાં આ વિશ્વમાં જિનાગમ જયવંત છે, તો મનોહર મૂર્તિઓ, મંદિરો અને તીર્થો રૂપે જિનબિંબ આ જગતમાં જ્વલંત છે. વારસા રૂપે મળેલી આ મૂડીમાંથી જિનાગમ પ્રત્યે આપણી ઠીક ઠીક ઉપેક્ષા હોવાથી કેટલાય આગમો કાળના પ્રવાહમાં દટાઈ ગયાં, કેટલાંય આગમશાસ્ત્રો એવી તો જીર્ણ-શીર્ણ અવસ્થા રૂપે અસ્તિત્વ ધરાવે છે