________________
b-icd lehe n××ems | m
ભિક્ષાપાત્ર એ દિવસે ખાલી જ રહ્યું. દમસાર મુનિ એમ ને એમ પાછા ફર્યા. ભગવાનના ચરણને છબીને એ બોલ્યા : ‘પ્રભો ! પ્રભો ! ક્રોધના એક કણે, મારી સ્વતંત્રતાની સોનેરી પળને બાળી મૂકી ! પ્રતિજ્ઞા કરાવો જ્યાં સુધી કેવળજ્ઞાન ન થાય ત્યાં સુધી આહારનો ત્યાગ !
"
અનુતાપના આ આંસુને સહુ અહોભાવે નિહાળી રહ્યા. પ્રભુએ દમસાર મુનિને આહાર-ત્યાગની ભીષ્મ પ્રતિજ્ઞા આપી.
શાસ્ત્રનાં પાનાં બોલે છે કે
સાતમે દિવસે દમસાર મુનિને, સનાતન સ્વતંત્રતાના અમરપટ્ટા સમું ‘કેવળજ્ઞાન' સામે આવીને વર્યું !
ક્રોધના કણમાંથી સર્જાયેલી, વિનાશ-વિકાસની આ કથા પાસે પણ એક આગવી વ્યથા નથી શું ?
