________________
२४
श्री विजयपद्मसूरिविरचितः
समं चेतो यस्य प्रणयि धरणेन्द्रे च कमठे | महाद्वेषस्तोमाग्निविसर विदग्धेऽधमतमे || मनोऽभीष्टत्यागामरविटपितुल्यो जगति यः । स्तुवे तं वामेयं जितसुरतरुं भव्यचरणम् ॥ २ ॥ जगबंधुं दिव्यातिशयगण संपत्परिगतं । जगन्नाथं तीर्थाधिपतिममलानंदशरणं ॥ कृपासिंधु मेघध्वनिमम लचिद्रूपकलितं । स्तुवे तं वामेयं जितसुरतरुं भव्यचरणम् ॥ ३ ॥
३४. ॥ श्री महावीरस्वामि चैत्यवन्दनम् ॥
॥ स्रग्धरावृत्तम् ॥
यन्नामध्यानयोगाद्भविजननिलये जायते मंगलालिः । यस्यार्चा विघ्नकोटीविलयनकुशलाऽऽत्मीयसंपत्प्रदाना ॥ मेरौ जन्मक्षणे यो हरिसुरनिवहैः स्नापितो भक्तितो यः । स श्रीवीरप्रभुनः प्रतिदिनममदः सिद्धिबुद्धिप्रदोऽस्तु ॥ १ ॥ श्रुत्वा यस्योपदेशं सपदि भविजनाः प्राप्तसन्मार्गबोधाः । देशाद्वा सर्वतः संयमममलममन्दोन्नतिं साधयित्वाऽ ॥ क्षेपात्संप्राप्नुवंति क्षपकततिबलात्साध्यसिद्धिं विशिष्टां । स श्री वीरप्रभुर्नः प्रतिदिनममदः सिद्धिबुद्धिप्रदोऽस्तु ॥२॥