________________
२९२
श्री विजयपद्मसूरिविरचितः
तम्हाऽऽवस्सयसुत्ते-णिज्झुत्तीए पयासगं नाणं ॥ तह सोहिया तवस्सा-गुत्तिहरो संजमो तिण्हं ॥१०॥ जोगा मुत्ती भणिया-अत्यवि सण्णाण ढमपरिगहणं ॥ दसवेयालियसुत्ते-पढमं नाणं तओ करणा ॥ ११ ॥ करुणाचारित्ततवो-धम्मो जीवाइतत्तपरिवोहा ॥ पालिज्जइ सुद्धदया-तम्हा नाणस्स पाहणं ॥१२॥ दुग्गइयं सुग्गइयं-किमत्थि तं जाणए न अण्णाणी ॥ छज्जीवणियज्झयणे-सिज्झंभवमूरिवयणमिणं ॥१३॥ सेयं मझं कम्हा-हेयाइं काइ पावकरगाई ॥ किं भवखं किमभक्खं-किमपेयं पेयमवि मे किं ॥१४॥ अणुओगसरूवं किं-देवनिरयठाणजीवियप्पाणा । भवकायटिइसिद्धा-सिद्धठिई सुक्खदुहहेऊ ॥१५॥ नवतत्तदव्वछक्कं-उव्वट्टणवट्टणाउ सेढाओ ॥ सत्ताठिइरसघाया-संकमचिय कम्मनिज्जरणं ॥१६॥ उदयनिसेयाबाहा-भेया विविहा तहेव जीवाणं ॥ लोयपयत्थुस्सग्गा-ववायनयमाणगमभंगा ॥१७॥ विहिपडिसेहकसाई-तेसि सब्भावतत्तरूवं किं ॥ एएसिं पण्हाणं-पडिवयणं होज्ज नाणाओ ॥१८॥ सण्णाणुवओगित्त-वियारिऊणं विसिट्टविण्णेहिं ॥ बहुमुत्ताइसु वुत्त-नाणं नयणं तइज्जमिणं ॥१९॥