________________
२०२
श्री विजयपद्मसूरिविरचितः
एआओ सव्वाओ, अभिओ सिरिमूलदेवगेहस्स ॥ कारविया गुरुवयणा, तवगच्छीएण संघेणं ॥ १०६॥ गुरुनेमिसरिवयणा, गुरुलहुबावण्णसिहरपरिवरिओ ॥ विहिओ तवसंघेणं, बावण्णजिणालओ पुण्णो ॥१०७।। एस कयंबविहारो, पासाओ पञ्चलो मुयं दाउं॥ सारइ पासंताणं, नंदीसरमबजिणनिलए ॥१०८॥ इव सक्खं सिरिवारो, मज्झगयं मूलचेइए चंग ॥ सिद्धत्थप्पयबिंब, वंदे बहुमाणभत्तीए । १०९ ॥ चउवीसइतिगमहिओ, सिरिवीसइविहरमाणतित्थयरे ॥ गणहरपुव्वायरिए, वंदे बहुमाणभत्तीए ॥११०॥ गंदगयंकिंदुमिए, वरिसे सियपक्खफग्गुणे मासे ।। उत्तमबिईयदियहे, विसिट्ठजोगाइपरिकलिए ॥१११ ॥ सिरिणेमिसूरिगुरुणा, सयगपणगमाणभव्यबिंबाणं ॥ पवयणभासियविहिणा, विहिया विमलं जणसलाया ॥११२॥ सिरिभुवणपहुगुणाणं, पहूयवण्णाण वण्णाणिज्जाणं ॥ पहुपडिनिहिबिबेसुं, अज्झारोवो पइत्ति ॥ ११३ ॥ मुक्खत्ताऽऽयरिएण, विसिट्ठहेउम्मि वायगेणं जा ॥ विहियंजणकिरियाए, सहिया मुत्तंजणसलाया ॥११४॥ इयरम्मि वि प्पइट्ठा, सद्दपवित्ती न वत्थुओ संत्था ॥ आरोवणववहारा, जणप्पसिद्धी मुणेयव्वा ॥११५॥
