________________
मारुतस्तोवप्रकाशः
नववासुदेवनिवई, एवं पडिवासुदेवबलदेवा ॥ तिगुणिगवीससलागा-मज्झाया सासया भणिया ॥१६॥ उस्सप्पिणीओसप्पिणी-बारसआरेहि कालचक्कस्स ॥ संजायस्स पवित्ती, अणुक्कमेणं मुणेयव्वा ॥१७॥ एयम्मि कालचक्के, संपइओसप्पणीयकाला जा॥ उस्सप्पिणी य पुव्वा, ताए पज्जंतिमो अरिहा ॥१८॥ आसी संपइनामा, तित्थयरो मग्गदेसणाकुसलो ॥ पहुणो तस्स कयंबो, गणाहिवो लद्धिसंपण्णो ॥ १९॥ मुणिकोडीपरिवरिओ, झाणानलदड़कम्मतणनियरो॥ इह संपत्तो मुर्ति, ता विइया सिरिकयंबक्खा ॥२०॥ विगयाए चउवीसइ-याए बीओ अभू जिणाहीसो ॥ सिरिणिव्वाणीनामा, तस्स कयंबो गणाहीसो॥२१॥ पहुवयणेणाणसणं, किच्चा परिनिव्वुओ महुल्लासो॥ इह तेण कयंबगिरी, अवि एवं वुत्तमन्नत्थ ॥ २२ ॥ दिवोसही विसिट्ठा, महप्पहावा इहेव विविहट्टा॥ नाणारसकूवीओ, सुरपायवरयणभूमीओ ॥ २३ ॥ दीवुस्सवे सुवारु-त्तरायणे मंडलं णसेजा जो॥ तस्सज्झक्खा देवा, होज्जा संकतिगयदियहे ॥२४॥
नपत्याई जुत्ता, भव्वा! तुम्हाण बुदिकलियाणं । - क्लिणिही एसमिरी, ओसहिरसकुंडसिदीणं ॥२५॥
