________________
१६८
श्री विजयपासूरिविरचितः अहुणा जिणवइमाणू, वति ण केवलिप्पहाणससी ॥ तत्तपयासयदीवा, आगमछंदा गणाहीसा ॥५३॥ भवकूवंमि पडते, जणे करालज्जियाहभरभरिए ॥ वरसिक्खारज्जूआ, समुद्धरंता किवंबुणिही ॥५४ ॥ तित्थेसरसामज्जे, महाहिगारी सयासया सरला ॥ भवतियणिव्वाणरिहा, विहाववियला अगण्णगुणा॥५५॥ मुणिगणतत्तिविहीणा, आयोवायप्पवीणणिकामा ॥ फलकिरियाजोगावं-चगा सुयत्थप्पयाणपरा ॥५६॥ भावामयवरविज्जा, सरणागयवजपंजरसमाणा ॥ वरसिद्धिभिंगवासा, भावायरिया जलयतुल्ला ॥ ५७ ॥ सिरिगुरुगुणछत्तीसा, छत्तीसीग्गंथवण्णियसरूवे ॥ पयरणवरसंबोहे, परूविए वित्थरा वंदे ॥ ५८ ॥ पवरागण्णमुणीहिं; पत्तं पाविज्जए पयं पुण्णा ॥ ते धण्णा लद्धपया, धण्णयरा लद्धतप्पारा ॥ ५९ ॥ ते वीरा वरचरणा, हिम्मलयरदसणा महाविउहा ॥ जे सययं बहुमाणा, विहिणा सेवंति मूरिपए ॥ ६॥ आयरियपयवियारो, आगमणोआगमेहि णायव्यो॥ उवओगबोहकलिओ, पढमो किरियण्णिओ अण्णो ॥६॥ उद्देसविही भणिओ, सामण्णविही जहेव सिद्धथवे ॥ एत्थऽण्णत्थ वि णेओ-सो साहगमन्चमणुएहिं ॥ ६२॥