________________
१६६
श्री विजयपद्मसूरिविरचितः समणगुणावलिवरिए, नवकोडीसुद्धिरक्खणुज्जुत्ते ॥ पडिलेहणापमत्ते, कायकिवे वेइयासुद्धी ॥३३॥ आयरणाइयभावे, णिम्मलयरजोगसंगहायरणे ॥ अडवीसलद्धिललिए, पहावगे णममि आयरिए ॥३४॥ पावस्सुयपरिवज्जी, विसोहिगुणदेसगे उयारमणे ॥ विजियंतरारिवग्गे, मोहट्ठाणाविलित्तंगे ॥ ३५ ॥ विविहाई सिद्धगुणे, संसंते जीवभेयसंदोहे ॥ संतज्जिओवसग्गे, विणया झाएमि सूरीसे ॥३६॥ विकहावंदणदोस, प्पसंगविरए पवीरियायारे । आसायणाविजोगे, आयरिए सव्वया वंदे ॥ ३७॥ वयभावणंगनाणी, निणसासणगयणभासभाणुणिहे ॥ धम्मधुरंधरवसहे, परोवयारप्पमोयहरे ॥ ३८ ॥ अंगपइण्णगछेया, णुओगणंदी सुमूलमुत्तहरे ॥ णीरागदोसवित्ती, सययं वंदामि सूरीसे ॥ ३९ ॥ तिगरणपंचायारे, सामायारीविसिसज्झाए॥ समिइप्पवित्तिमोए, वंदे सूरीसरे विहिणा ॥ ४० ॥ पवयणजणणीराए, सुहदुहसेज्जापरूवणाणिउणे ॥ धम्मज्झाणविभंगे, तिसच्चभासाउ बोहिते ॥४१॥
ववहारतकविण्णे, वाइगुणालंकिए पओगण्णे ॥ - चउविहबुद्धिनिहाणे, णवतत्तपयासगे वंदे ॥ ४२ ॥
